Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Mati

“Kua ahiahi fakakū mai a maua ha ko e taha mena ka taute ia Aperila 14. Ko e aho ia ko e aho fakamanatu he matulei ha Iesu. To taute he falu e fakaholoaga ha kua manatu a lautolu kua aoga lahi e matulei haana. Falu kua nakai mailoga mitaki e kakano he matulei ha Iesu. Manatu nakai a koe kua aoga e matulei ha Iesu ma taua?” Fakaatā ma e tali. Fakakite e vala tala i tua he Kolo Toko ia Mati-Aperila ti fakatutala tokoua ke he vala tala i lalo he hūhū fakamua mo e taha po ke ua he tau kupu tohi i ai. Foaki e tau mekasini ti fakatoka ke fakatutala ke he taha hūhū foki.

Ko e Kolo Toko Mati-Aperila

“Kua ahiahi mai fakakū a maua ke fakatutala ke he taha mena ne lauia oti ai a tautolu​—ko e mate he taha fakahelehele. Talia nakai e koe, ka galo e kapitiga mitaki po ke taha mai he magafaoa ko e taha na mena kua uka lahi ke fakafehagai ki ai? [Fakaatā ma e tali.] Tokologa kua moua e mafanatia mai he kupu tohi nei. [Totou Isaia 25:8.] Kua fakatutala e mekasini nei ke he maveheaga atihake he Tohi Tapu ke fakaoti e mate mo e liuaki mai e tau fakahelehele ha tautolu ke he moui.”

Ko e Kolo Toko Mati-Aperila

“Nakai kia talia e koe kua mooli e kupu tohi nei ke he tokologa he tau tagata pule malolō he vahā nei? [Totou Fakamatalaaga 8:9e.] Ko e ha he manatu e koe ne fakaatā ai he Atua e mena nei ke tupu? [Fakaatā ma e tali.] Ko e lau 11 he mekasini nei kua fakatutala ke he tali ma e hūhū ia, ka e mua atu e aoga kua fakamaama e mena kua taute he Atua ke lagomatai aki a lautolu ne matematekelea.”