Ka Tali he Tama e Gutuhala

Ka tali he tama e gutuhala, lata ia tautolu ke ole ke tutala mo e tau matua haana. Fakakite he mena nei e fakalilifu ke he ulu ha lautolu. (Ftai 6:20) Ka uiina he tama a tautolu ke o atu ki fale, nakai lata a tautolu ke talia. Ka nakai atā e tau matua haana, lata a tautolu ke liliu he taha magaaho.

Ka lahi po ke tua hake he fuata mui e tama, latatonu agaia ke ole ke tutala mo e tau matua haana. Ka nakai atā a laua, maeke a tautolu ke hūhū kua fakaatā kia he tau matua haana a ia ke fifili e tau tohi totou haana. Ka fakaatā, maeke a tautolu ke foaki e tau tohi ki a ia ti takitaki atu a ia ke he jw.org.

Ka liu aahi atu ke he fuata mui ne fakakite e fiafia, lata ia tautolu ke ole ke feleveia mo e tau matua haana. Fakaatā he mena nei a tautolu ke fakamaama e kakano he o atu a tautolu ti fakakite ki a laua e fakatonuaga aoga mo e mauokafua he Tohi Tapu ma e tau magafaoa. (Sal 119:86, 138) He fakakite e tautolu e fakalilifu mo e manamanatu ke he tau matua kua eke ai mo fakamatala mitaki ti foaki ki a tautolu e magaaho ke tala age e tala mitaki ke he magafaoa.​—1Pe 2:12.