Laveakiaga Mai i Aikupito ke he Patuiki Fakamua ha Isaraela

Ne takitaki e Mose e tau Isaraela mai he liliaga i Aikupito ke he Mouga ko Sinai, ti foaki he Atua e tau fakatufono ki a lautolu i ai. Fakamui, ne fakafano e Mose toko 12 e tagata ke toko e motu ko Kanana. Ka e toko 10 ia lautolu ne liliu mai mo e tala kelea. Ne fakatupu e lautolu e tau tagata ke manako ke liliu ki Aikupito. Ha kua nakai tua a lautolu, ne fakahala he Atua e tau Isaraela he toka a lautolu ke ō fano ke 40 e tau he tutakale.

Fakahiku ai, kua fifili a Iosua ke takitaki e tau Isaraela ke he motu ko Kanana. Ke lagomatai a lautolu ke eke ma lautolu e motu, ne taute e Iehova e tau mana. Ne taofi e ia e tafe he Vailele ko Ioritana, fakamalolo e tau kaupā ha Ieriko, mo e fakatū mau e laā he aho katoa. Ono e tau he mole ti utakehe e motu mai he tau Kanana.

Kamata mai ia Iosua, ne pule e tau fakafili ki Isaraela ke he 356 e tau. To fakaako a tautolu ke he tokologa ia lautolu ia, putoia a Parako, Kiteona, Iefeta, Samisoni mo Samuela. Totou foki e tautolu hagaao ke he tau fifine tuga a Raava, Tapora, Iaeli, Ruta, Naumi mo Talila. Ko e katoatoa he Vala TOLU ko e 396 e tau tau he matohiaga tuai.