Ko e Heigoa kua Lata ke Taute e Koe?

50 Loto nakai a koe ke nofo tukulagi ke he parataiso fulufuluola?

Ti fakaako fakalahi ke he tau talahauaga he Atua. Lali ke fakaako ke totou e Tohi Tapu.—Ioane 17:3; Fakakiteaga 1:3

51 Fakaako fakalahi ke iloa a Iesu.—Teutaronome 18:18, 19; Ioane 3:16; Gahua 3:19-23

52 Lalilali ke taute tumau e tau mena kua mitaki mo e omaoma kia Iehova.—Roma 6:17, 18, 22

53 Manatu, pehe a Iehova aua neke kelipopo tagata a tautolu.—Esoto 20:13; 1 Ioane 3:11, 12

54 Aua neke uta e tautolu e tau mena ha ha he falu a tagata.—Esoto 20:15; Efeso 4:28

55 Aua neke nonofo mo e momohe fakalataha e tagata tane mo e taha fifine ka eke ko e nakai ko e hana a hoana.—Esoto 20:14, 17; 1 Tesalonia 4:3

56 Ne manatu e koe fiha e hoana kua fakaata he Atua ke moua he tane? Fiha e leva ka nofo ai e tane mo e hana hoana?—Kenese 2:22, 24; Mataio 19:5, 6; 1 Korinito 7:2, 10, 11

57 Manatu, foki, ko Iehova ni kua lata ke hufeilo a tautolu ki ai.—Mataio 4:10; 1 Korinito 8:6

58 Ko e tau tupua mo e tau mena fakatai nakai fai lagomatai ma tautolu. Ko e ha?—1 Korinito 8:4

Mitaki nakai ke fai tupua?—Teutaronome 27:15; 1 Ioane 5:21

59 Ko e ha kua kelea ke moua e mena ke fakamonuina mo e ke eke e mahani fakavaigata?—Teutaronome 18:10-13; Fakakiteaga 21:8

60 Ko e tau agelu kelea po ke tau temoni ne fakafualoto ke he Atua. Kua fakaaoga e lautolu e tau tagata talahau tuai ke fakahehe e tau tagata.—Gahua 16:16

61 Kua lata kia liogi a tautolu ke he Atua. Ko e kakano he liogi ko e vagahau ke he Atua, ke talaage kia ia kua fia eke a tautolu ke fekafekau kia ia mo e ole ke he hana a lagomatai.​—Filipi 4:6, 7

62 Kua lata ke omaoma a tautolu kia Iesu mo e tua kia ia.​—Heperu 5:9; Ioane 3:16

63 Manatu ne mate a ia ke laveake ma tautolu.​—Roma 5:8

64 Manatu ko Iesu ko e ha tautolu a Patuiki nakai kitia. Kua lata ke omaoma a tautolu kia ia.​—Filipi 2:9-11; Fakakiteaga 19:16

65 Ne pehe a Iesu kia koe kua lata ke talaage ke he falu e koe tau mena mitaki ne fakaako a koe ki ai, ko lautolu foki kua fioia ke fekafekau ke he Atua kua lata ke papatiso.​—Mataio 28:19, 20; Ioane 4:7-15

66 Ti pihia ke vagahau a koe ke he hau a tau kapitiga ke he tau mena mitaki nei.​—Mataio 10:32

67 Ka fakaako a koe ke totou mitaki, to iloa e koe loga e tau mena mo e ke maeke ke lagomatai fakalahi e koe e falu faoa.​—2 Timoteo 2:15

68 Ne fakaako foki e Iesu ke he tau fanau ikiiki ke omaoma ke he Atua. Kua nakai lavelave aia ke vagahau kia lautolu.​—Mataio 19:13-15

69 Ko e tau mamatua kua lata ke fakaako tumau e lautolu ha lautolu a tau fanau ke omaoma ke he Atua mo e fakaalofa kia ia.​—Teutaronome 6:6, 7; Fakatai 6:20-22; Efeso 6:4

70 Kua loga he tau lotu kehekehe. Loga he tau fakaakoaga ha lautolu nakai mai he Tohi Tapu. Pehe a Iehova, ke ō kehe he tau lotu ne nakai fakaako e kupu mooli.​—Fakakiteaga 18:4; Ioane 4:23, 24

71 Ha ha he lalolagi e tau tagata a Iehova maeke ke fakaako kia koe loga he tau mena kia ia. Iloa nakai e koe ko hai a lautolu?​—Gahua 15:14; Roma 10:14, 15

72 Ko e tau Fakamooli a Iehova a lautolu. Kua ha i ai e mafola ke he tau vaha loto ha lautolu. Iloa nakai e koe ko e ha? Hakua fakaalofa a lautolu ke he taha mo e taha.​—Isaia 43:10-12; Ioane 13:34, 35

73 Ha kua fakaalofa foki a lautolu kia Iehova, kua papatiso a lautolu. Kua fakakite fakapulou pihia kua toka e lautolu e mahani kelea he tau momoui ha lautolu kae fia eke e tau momoui ha lautolu ke fekafekau ke he Atua.​—Gahua 2:41

74 Ko e tau Fakamooli a Iehova kua amaamanaki ke nonofo a lautolu ke he parataiso fulufuluola fou.​—Salamo 37:9-11, 29

Ko e heigoa ke taute e koe ke nonofo ai fakalataha mo lautolu?​—Iakopo 1:22, 25; 2:20-26

75 Tutaki fakalataha mo lautolu ke he tau fakaakoaga ke fekafekau kia Iehova. Ne omaoma mo e fakaalofa a lautolu kia Iehova mo Iesu Keriso. Fakaalofa nakai a koe kia laua? Fia manako nakai a koe ke lagomatai e falu ke iloa e Atua?​—Ioane 6:45-47

76 Ko Iehova mo Iesu Keriso kua fakaalofa kia koe mo e manako lahi a laua ke moua e koe e moui tukulagi i parataiso.​—Ioane 3:16

Ko e falu a mena kua iloa e koe ke he manamanatuaga he tau fakatino mo e tau fakailoaga kua toka i loto he tohi nei, kia eke ia mo fakamooli ke he hau a loto ke moua e moui fiafia tukulagi ke he lalolagi. Ka eke kua fia iloa lahi a koe ke he tau mena nei, kua vagahau atu mo e fakatekiteki kia fakatutala a koe mo e taha he tau Fakamooli a Iehova, ke he matakavi kua nofo ai a koe. Po ke, tohi e koe, po ke tohi he taha ma au, ke he ofisa kua tata ke he nofoaga hau, tuga kua fakakite he tau nonofoaga he lau ua he tohi nei.