Ko Hai a Iesu?

Ne fakafano mai e Iehova a Iesu ke he lalolagi. 1 Ioane 4:9

Ka manako a tautolu ke fakafiafia a Iehova, kua lata a tautolu ke fanogonogo foki ke he Tama haana. Leva ato tufuga a Atamu, ne tufuga e Iehova e mena moui fakaagaaga malolō lahi he lagi.

Fai magaaho, ne fakafano e Iehova a ia nei ke fanau i Petelehema he tamafine tote ne higoa ko Maria. Ne fakahigoa e tama ko Iesu.​—Ioane 6:38.

He nofo a Iesu he lalolagi, ne fakaata katoatoa e ia e tau mahani he Atua. Ko ia ne totonu, fakaalofa, mo e fiafia tagata. Ne nakai matakutaku a ia he fakaako e falu ke he kupu mooli hagaao ki a Iehova.

Ne taute e Iesu e tau mena mitaki ka kua vihiatia ai. 1 Peteru 2:21-24

Ne fakamaulu foki e Iesu e tau tagata gagao mo e fakaliu tu mai ke he moui e falu ne mamate.

Ko e tau takitaki lotu ne vihiatia a Iesu ha kua fakakite e ia e tau fakaakoaga pikopiko mo e tau puhala kelea lahi ha lautolu.

Ko e tau takitaki lotu ne fakaohooho e tau Roma ke fahi a Iesu mo e tamate a ia.