FAKAAKOAGA 1

Fakafeleveiaaga Mitaki

Gahua 17:22

MENA KE TAUTE: Lata he feleveiaaga haau ke fakalagalaga e fiafia, mailoga e matakupu, mo e fakakite e kakano kua lata e tau tagata fanogonogo haau ke fiafia ki ai.

PUHALA KE TAUTE AI:

Fakalagalaga e fiafia. Fifili e hūhū, vala tala, mena mooli ne tupu he moui kua fiafia e tau tagata fanogonogo ki ai.

Fakamua to fano, manamanatu fakamitaki ke he tau mena ne fiafia mo e tupetupe e tau tagata fanogonogo haau ti hiki fakatatau e fakafeleveiaaga.
Mailoga e matakupu haau. Mauokafua kua maama e matakupu mo e kakano he fakafeleveiaaga haau ke he tagata fanogonogo.
Fakakite e kakano ne aoga e matakupu. Hikihiki e mena ne talahau e koe ke lata mo e tau manako he tau tagata fanogonogo. Lata a lautolu ke maama mitaki e puhala kua lagomatai he matakupu a lautolu.

Ka tauteute e lauga, hūhū hifo ki a koe, ‘Ko e heigoa e tau tutūaga ne fehagai mo e tau matakainaga he fakapotopotoaga haaku?’ Ti hikihiki e fakafeleveiaaga haau ke lata mo e manako ha lautolu.