Ko e Heigoa e Kautu he Atua?

Ko e matapatu fekau he Tohi Tapu kua hagaao ke he Kautu he Atua. To fakaaoga e Iehova e Kautu ia ke fakakatoatoa e finagalo haana he kamataaga ma e lalolagi. Ko e heigoa e Kautu? Iloa fēfē e tautolu kua pule ai mogonei? Ko e heigoa ne kua fitā he taute ai? Mo e ko e heigoa ka taute ai he magaaho i mua? Ko e fakaakoaga nei mo e ua e fakaakoaga i mua ka tali e tau hūhū ia.

1. Ko e heigoa e Kautu he Atua, mo e ko hai e Patuiki?

Ko e Kautu ko e fakatufono ne fakatū e Iehova ko e Atua. Ko e Patuiki, ko Iesu Keriso ka pule mai he lagi. (Mataio 4:17; Ioane 18:36) Pehē e talahauaga he Tohi Tapu hagaao ki a Iesu: “To eke a ia mo Patuiki . . . tukulagi.” (Luka 1:32, 33) Ha ko Iesu ko e Patuiki he Kautu he Atua, to pule a ia ke he tau tagata oti he lalolagi.

2. Ko hai ka pule mo Iesu?

Nakai pule tokotaha a Iesu. Ko e tau tagata “mai he tau magafaoa oti, mo e tau vagahau kehekehe, mo e tau motu, katoa mo e atu motu . . . kua eke foki . . . mo tau patuiki ke he lalolagi.” (Fakakiteaga 5:9, 10) Tokofiha ka pule mo Keriso? Tali mai he magaaho ne hau a Iesu ke he lalolagi, totou miliona e tau Kerisiano ne eke mo tutaki haana. Ka e toko 144,000 ni ia lautolu ka ō ke he lagi ke pule mo Iesu. (Totou Fakakiteaga 14:1-4.) Ko e tau Kerisiano mogoia ne toe he lalolagi ko e tau tagata i lalo hifo he Kautu.​—Salamo 37:29.

3. Mua atu fēfē e Kautu he Atua ke he tau fakatufono he tagata?

Pete he lali e tau tagata ne pule ke taute e tau mena mitaki, nakai ha ha ia lautolu e malolō ke taute e tau mena oti ne manako a lautolu ki ai. Ko lautolu ne pule ne hoko ni e magaaho ti hukui he falu ne liga nakai manako ke lagomatai e tau tagata. Ka ko Iesu ko e Takitaki he Kautu he Atua, to nakai hukui he ha tagata. “To fakatu ai he Atua he lagi e kautu nakai fakaoti tukulagi.” (Tanielu 2:44) To pule a Iesu ke he lalolagi katoa, mo e to nakai fili tagata a ia. Kua fakaalofa, totonu, mo e fakafili tonu a ia, mo e to fakaako e ia e tau tagata ke fehagai pihia mo e falu​—ke he puhala fakaalofa, totonu, mo e fakafili tonu.​—Totou Isaia 11:9.

4. Ko e fakatufono malolō lahi ka pule ke he lalolagi katoa

Mua atu e malolō ha Iesu Keriso ke fakatatai ke he ha pule tali mai he fakamauaga tuai. Totou Mataio 28:18, ti tutala ke he hūhū nei:

• Mua atu fēfē e pule ha Iesu ke he pule he ha tagata?

Hiki tumau e tau fakatufono he tagata, ti igatia e fakatufono mo e pule ni ke he taha e matakavi he lalolagi. Ka e kua e Kautu he Atua? Totou Tanielu 7:14, ti tutala ke he tau hūhū nei:

• Ko e ha ne mitaki ka “nakai fakaoti” e Kautu he Atua?

• Ko e ha ne mitaki ka pule ai ke he lalolagi katoa?

5. Lata e pule he tagata ke hiki

Ko e ha kua lata e tau fakatufono he tagata ke hukui aki e Kautu he Atua? Tā e VITIŌ, ti tutala ke he hūhū nā.

VITIŌ: Ko e Heigoa e Kautu he Atua?​—Vitiō Kū (1:41)

• Ko e heigoa ne tupu mai ha ko e pule he tagata?

Totou Fakamatalaaga 8:9, ti tutala ke he tau hūhū nei:

• He manatu e koe, lata nakai e Kautu he Atua ke hukui e tau fakatufono he tagata? Ko e ha?

6. Maama he tau patuiki he Kautu he Atua a tautolu

Ha ko e Patuiki ha tautolu ko Iesu ne moui ko e tagata ti maeke “ke mamahi fakaalofa fakalataha mo tautolu ke he tau mena kua lolelole ai a tautolu.” (Heperu 4:15) Ko e tau tagata taane mo e fifine fakamooli ne 144,000 ka pule fakalataha mo Iesu ne fifili e Iehova “mai he tau magafaoa oti, mo e tau vagahau kehekehe, mo e tau motu, katoa mo e atu motu.”​—Fakakiteaga 5:9.

• Mafanatia nakai a koe he iloa ko Iesu mo lautolu oti ka pule fakalataha mo ia ne maama e puhala moui he tagata? Ko e ha?

7. Mua ue atu e tau matafakatufono he Kautu he Atua

Fakatū he tau fakatufono e tau matafakatufono ne lata ke aoga mo e puipui e tau tagata he motu. Fai matafakatufono foki e Kautu he Atua ke muitua ai e tau tagata. Totou 1 Korinito 6:9-11, ti tutala ke he tau hūhū nei:

• He manatu haau, to fēfē e lalolagi ka muitua he tau tagata oti e tau matafakatufono he Atua?a

• Manatu nakai a koe kua hako a Iehova ke amanaki ke he tau tagata he Kautu ke fakalilifu e tau matafakatufono nei? Ko e ha?

• Ko e heigoa ne fakakite na maeke e tau tagata ne nakai omaoma ke he tau matafakatufono nei ke hiki?​—Kikite e kupu 11.

MANATU KATOA

Ko e Kautu he Atua ko e fakatufono mooli i luga he lagi ka pule ke he lalolagi katoa.

Liu Fakamanatu

• Ko hai e tau patuiki he Kautu he Atua?

• Mua atu fēfē e Kautu he Atua ke he tau fakatufono he tagata?

• Ko e heigoa e falu mena kua amaamanaki a Iehova ke he tau tagata i lalo hifo he Kautu?

KUMI FOKI

Manamanatu ke he fakaakoaga ha Iesu ke he matakavi ne toka ai e Kautu.

“Ko e Kautu Kia he Atua he Loto Haau?” (Vala tala he kupega hila)

Ko e ha e Tau Fakamoli a Iehova ne fifili ke fakamooli katoatoa ke he Kautu he Atua ka fakatatai mo e fakamooli ke he pule he tagata?

Fakamooli Katoatoa ke he Kautu he Atua (1:43)

Kumikumi ke he fakamaamaaga he Tohi Tapu ke he 144,000 ne fifili e Iehova ke pule fakalataha mo Iesu.

“Ko Hai ka Ō ke he Lagi?” (Vala tala he kupega hila)

Ko e heigoa ati mauokafua e fifine i loto he fale puipui ko e Atua ni ka tamai e lalolagi fakafili tonu?

“Moua e Au e Tali ke he Nakai Fakafili Tonu” (Ala!, Novema 2011)