Fai Higoa Kia e Atua?

Tau tali fa mahani:

▪ “Ko e higoa haana ko e Iki.”

▪ “Nakai fai higoa a ia.”

Ko e heigoa ne talahau e Iesu?

▪ “Hanai, kia liogi pehe a mutolu, Ha mautolu a Matua na e, ha ha he lagi, kia tapu hau a higoa.” (Mataio 6:9) Ne talitonu a Iesu na fai higoa e Atua.

▪ “Ne fakailoa atu foki e au hau a higoa kia lautolu, to fakailoa atu ai foki e au; kia nofo i loto kia lautolu e fakaalofa ne fakaalofa mai ai a koe kia au, ko au foki ha i loto ia lautolu.” (Ioane 17:26) Ne fakailoa e Iesu e higoa he Atua.

▪ “Nakai fakai ke kitia e mutolu au, ato hoko atu ke he aho ke pehe ai a mutolu, Kia monuina a ia kua haele mai ke he higoa he Iki [Iehova].” (Luka 13:35; Salamo 118:26) Ne fakaaoga e Iesu e higoa he Atua.

KUA tala mai ni he Atua ki a tautolu e higoa haana. Ne fakamau hifo e mena ne talahau e ia: “Ko au ko Iehova, ko e haku a higoa haia.”a (Isaia 42:8) Ko e higoa ha Iehova ko e higoa faka-Heperu ne talahaua ke he vagahau Niue ne fakahigoa aki ni he Atua a ia. Liga ofo a koe he kitia kua totou afe e higoa Heperu kehe ue atu nei i loto he tau menusikuripi he Tohi Tapu i tuai. Mooli, kua fa lagaloga e kitia ai ke he falu higoa foki ne totoku he Tohi Tapu.

Liga tali he falu e hūhū, “Ko hai e higoa he Atua?” he pehē, “ko e Iki.” Ka ko e tali ia kua nakai lahi e fakamaamaaga ti tatai ni mo e tali ke he hūhū, “Ko hai ne kautū he vili?” he pehē “ko e tagata.” Kua nakai maama e tau tali ia, ha ko e “Iki” mo e “tagata” kua nakai ko e tau higoa a ia.

Ko e ha ne fakakite he Atua e higoa haana ki a tautolu? Ne taute pihia e ia ke maeke ia tautolu ke iloa mitaki a ia. Ke fakatai, liga hagaao e tagata ke he Iki Taane, Takitaki, Tete, po ke Tupuna Taane he uta ni ke he tau tuaga. Kua fai mena ne fakakite he tau matahigoa nei hagaao ki a ia. Ka kua fakamanatu he higoa he tagata mai ki a tautolu e tau mena oti ne iloa e tautolu hagaao ki a ia. Pihia foki, ko e tau matahigoa tuga e Iki, Malolō Ue Atu, Matua, mo e Tufuga kua fakakite e kehekehe he tau gahua he Atua. Ka ko e higoa mooli ni haana, ko Iehova, kua fakamanatu ki a tautolu e tau mena oti ne iloa e tautolu hagaao ki a ia. Maeke fēfē ia koe ke iloa mooli e Atua ka e nakai iloa e higoa haana?

Kua nakai aoga ke iloa hokoia e higoa ia ka ke fakaaoga foki. Ko e ha? Ha kua talahau he Tohi Tapu ki a tautolu: “Ko e mena fakamomoui a lautolu oti kana kua ui ke he higoa he Iki [Iehova].”—Roma 10:13; Ioelu 2:32.

[Matahui Tala]

[Blurb he lau 6]

Liga hagaao ke he tagata ko e Iki Taane, Takitaki, Tete, po ke Tupuna Taane he uta ni ke he tau tuaga. Ka e fakamanatu he higoa fakatagata haana mai ki a tautolu e tau mena oti ne iloa e tautolu hagaao ki a ia