Ma e Tau Fuata Ikiiki
Kalo Kehe he Lafiaga Hagahaga Kelea!
Tau Fakaakoaga: Taute e matagahua nei he mena ogoogonoa. He totou e koe e tau kupu tohi, manamanatu ko koe a ia he mena ne tupu. Manamanatu ke he takatakaiaga. Fanogonogo ke he tau leo. Mailoga e tau logonaaga he tau tagata i loto he tala. Kia taute e tala ko e mena tupu mooli.
Tau tagata pauaki he tala: Tina, Sikema, Iakopo, Simeona, mo Levi
Fakatōtōaga: Ne fakakelea e Sikema a Tina, ti kumi he tau tugaane haana ne ita lahi ke taui ai.
1 MANAMANATU KE HE TAKATAKAIAGA.—TOTOU KENESE 34:1-31.
Ko e heigoa e tau matagahua he manatu e koe kua liga taute e Tina mo e tau kapitiga haana i Kanana?
․․․․․
Ko e heigoa he manatu e koe e kakano ha Sikema ati ‘fakatumau ke vagahau mo e fakaalofa’ ki a Tina?
․․․․․
Ko e heigoa e tau logonaaga ne mailoga e koe he leo ha Iakopo he mogo ne fakatonu e ia a Simeona mo Levi he kupu 30?
․․․․․
2 KUMIKUMI FAKAHOKULO.
Ko e ha he manatu e koe ne matamata tumau a Tina ke he tau tama fifine Kanana? (Ma e fakatai, ko e heigoa haana ne tatai mo lautolu? Ko e heigoa kua moua e ia he tau tagata Kanana ne nakai moua e ia i kaina?)
․․․․․
Ko e heigoa e tau mahani mitaki ha Sikema ne liga mailoga e Tina? (Liu totou e kupu 3, 12, mo e 19.)
․․․․․
Fakakite fēfē he Tohi Tapu ne nakai talia e Tina ke taute e mahani feuaki? (Liu totou e kupu 2.)
․․․․․
Manatu nakai a koe kua tonuhia a Simeona mo Levi ke taui he keli e tau tagata he maaga ha Sikema? Ko e ha, po ke nakai pihia he ha?
․․․․․
3 FAKAGAHUA E MENA NE AKO E KOE. TOHI HIFO E MENA HAAU NE AKO HAGAAO KE HE . . .
Lata ke fifili fakamitaki e tau kapitiga haau.
․․․․․
Lata ke manako fakalatalata, pete he hako e kakano haau kua ita.
․․․․․
FALU PUHALA KE FAKAGAHUA AI.
Ko e heigoa e tau lakaaga ka taute e koe ke kalo mai neke fakakelea ke he mahani feuaki he tau tagata ne nakai fai fakalilifuaga ke he tau mahani mitaki he Atua?
․․․․․
4 KO E HEIGOA HE TALA NEI NE KAKANO LAHI KI A KOE, TI KO E HA?
․․․․․
Totou falu tohi ne fakavē ke he Tohi Tapu he komopiuta he www.watchtower.org