TAU VALA TALA I MUA | KO HAI E TAU FAKAMOLI A IEHOVA?
Ko e Ha ne Fakamatala Ai a Mautolu?
Kua kitia maaliali mooli a mautolu ha ko e makutu he gahua fakamatala—he taha fale ke he taha fale, he tau toloaga tagata, mo e ha matakavi ka fai tagata. Ko e ha ne taute pihia e mautolu?
Fakamatala e Tau Fakamoli a Iehova ke fakaheke e Atua mo e ke fakailoa e higoa haana. (Heperu 13:15) Manako foki a mautolu ke omaoma ki a Keriso Iesu, ne poaki: “Hanei, kia o atu a a mutolu ke eke e tau motu oti kana mo tutaki, . . . Ti fakaako atu a mutolu kia lautolu kia omaoma ke he tau mena oti ne tala atu e au kia mutolu.”—Mataio 28:19, 20.
Lafi ki ai, kua fakaalofa a mautolu ke he tau katofia ha mautolu. (Mataio 22:39) Mailoga e mautolu kua tokologa e tagata ne fai taofiaga fakalotu mo e nakai fiafia e tau tagata oti ke he fekau ha mautolu. Ka e manatu agaia a mautolu ko e tau fakaakoaga he Tohi Tapu ka moua mai e fakamouiaga. Ko e kakano ia ha mautolu ati “nakai oki foki e tau aho oti he fakaako atu . . . mo e fakamatala atu . . . e tala mitaki kia Iesu Keriso,” tuga ni ne taute he tau Kerisiano he senetenari fakamua.—Gahua 5:41, 42.
Ko e pulotu ko Antonio Cova Maduro ne tohi hagaao ke he “tau gahua mo e fakamakamaka he Tau Fakamoli a Iehova, mo e hoko a lautolu ke mategūgū . . . , ke taatu e tau kupu tapu ke he tau kalakala oti he lalolagi katoa.”—Nusipepa El Universal, Venezuela
Laulahi he tau tagata ne totou e tau tohi ha mautolu nakai ko e Tau Fakamoli a Iehova. Ti totou miliona ne fakaako Tohi Tapu mo mautolu na fai lotu a lautolu. Ka kua fakaaue a lautolu he ahiahi atu e Tau Fakamoli a Iehova.
Ka e liga fai hūhū foki a koe hagaao ke he Tau Fakamoli a Iehova. Kua uiina e mautolu a koe ke fakaako ke he tau tali he
Hūhū ke he taha he Tau Fakamoli a Iehova.
Finatu ke he faahi kupega hila ha mautolu, www.pr418.com.
Fakalataha atu ke he tau feleveiaaga ha mautolu ne nakai fai totogi mo e hafagi ke he tau tagata oti.