Ko e Heigoa ne Talahau he Tohi Tapu?

Ko e Atua kia ne fakatupu e matematekelea?

Ko e heigoa haau ka talahau?

• Ē

• Nakai

• Liga

Talahau he Tohi Tapu

“Kia mamao mo e Atua ke mahani kelea ai a ia, mo Ia hana e malolo oti kana ke mahani hepehepe a ia.” (Iopu 34:10) Ne nakai fakatupu he Atua e tau mena kelea muitui mo e matematekelea kua kitia e tautolu he lalolagi.

Ko e heigoa foki ha tautolu ka fakaako mai he Tohi Tapu?

• Ko Satani ko e Tiapolo, ko e “iki he lalolagi nei,” ne fakatupu e matematekelea.—Ioane 14:30.

• Tupu mai foki e matematekelea mo e kelea muitui ha kua kelea e tau fifiliaga ne taute he tau tagata.—Iakopo 1:14, 15.

To fakaoti nakai e matematekelea?

Talitonu falu tagata kua maeke e tau tagata ke utakehe katoatoa e matematekelea ka kaufakalataha a lautolu, ka e kitia he falu kua tote e amaamanakiaga to hiki e tau tutūaga he lalolagi ke mitaki. Fēfē e manatu haau?

Talahau he Tohi Tapu

To utakehe katoatoa he Atua e matematekelea. “Nakai tuai fai mate, po ke fakatutuku, po ke tagi, ti nakai tuai fai matematekelea.”—Fakakiteaga 21:3, 4.

Ko e heigoa foki ha tautolu ka fakaako mai he Tohi Tapu?

• To fakaaoga he Atua a Iesu ke utakehe e matematekelea ne fakatupu he Tiapolo.—1 Ioane 3:8.

• To nonofo muatua mo e mafola e tau tagata mitaki he lalolagi.—Salamo 37:9-11, 29.