Tau Mamatua—Feaki Hake e tau Mahani Aoga he tau Fanau ha Mutolu
1 Ko e tau mahani aoga nakai ko e tau mena tutupu pauaki, po kua tutupu noa. Mua atu, ke feaki hake e tau mahani aoga he tau fanau, ko e gahua lahi e magaaho. Ko e kakano he “feaki” ko e “ke foaki fakahaga” po ke “ke fakahihina fakatekiteki.” Kua lata ia he tau mamatua ke “leveki [tumau e lautolu e tau fanau ha lautolu] ke he tau kupu akonaki mo e tau kupu fakamafana he Iki.”—Efeso 6:4.
2 Kamata he Mukemuke: Ko e iloilo he tau tama ikiiki ke ako mo e taute e tau mena fou kua fulufuluola lahi. Pete kua uka lahi ke he tau tagata lalahi ke ako taha a vagahau fou, kua maeke e tau fanau ikiiki ke ako ua po ke tolu e vagahau he taha e mogo. Aua manatu na tote lahi e tama hau ke fakaako e tau mahani mitaki. Kaeke kamata tuai ke fakaako e kupu moli he Tohi Tapu ti matutaki atu, he mogo ka laukauka hake e tama, kua puke tuai e loto hana mo e iloilo “ke fakailoilo a [ia] ke moua ai e moui.”—2 Timo. 3:15.
3 Fakamahani ke Gahua he Fonua: Ko e mahani aoga ke feaki hake he mogo ne tupu hake e tama ko e fakamatalaaga tumau he tala mitaki he Kautu he Atua. Tokologa e tau mamatua ne kamata e mena nei he mogo ka uta e tau fanau ha lautolu ke he fekafekauaga he taha fale ke he taha fale he mogo ne mukemuke agaia e tau fanau. He fakalataha tumau e tau mamatua ke he gahua fakamatala, ne lagomatai e tau fanau ha lautolu ke ati hake e fakaaue mo e fakamakamaka ma e fekafekauaga. Ti fakakite he tau mamatua e puhala ke fakalataha mo e fakamatala ke he tau puhala kehekehe he fonua.
4 Kua lagomatai foki e tau fanau ke hu he Aoga Fekafekau Fakateokarasi. Kua fakamahani fakamitaki aki a lautolu he tau puhala ke fakaako mo e ke totou mo e manamanatuaga. Kua fakamahani a lautolu ke fakaaoga e Tohi Tapu, taute ke liliu aahi, mo e fakaako e Tohi Tapu. Tau fakamahaniaga pihia ka omoi a lautolu ke paionia mo e fakaholo atu ke he tau kotofaaga he fekafekauaga. Tokologa a lautolu i Peteli mo e tau misionare ne liu manatu mo e fiafia e tau magaaho fakamua ha lautolu he aoga ti pehe ai ko e puhala a ia ne lagomatai aki a lautolu ke feaki e tau mahani aoga.
5 Kua fakatatai a tautolu oti ke he kelekele haia he tau lima he Tufuga Lahi, ko Iehova. (Isaia 64:8) He mua atu e fou he kelekele, kua mukamuka lahi ke fakafuafua. Ka leva e toka, to mua atu e mao. Tuga ni pihia e tau tagata. He mogo ne tote, aoga lahi a lautolu ke fakamahani—mo e mua atu e tote, lauka atu a ia. Ko e tau vaha tama tote ha lautolu e tau tau tutupu hake, ko e mogo ke fakaako e mitaki po ke kelea. Ha ko e matua fakaalofa a koe, kia kamata tuai ke feaki hake e tau fanau hau ke he tau mahani aoga he fekafekauaga Kerisiano.