Talahauaga Hagaao ke he Tau Mekasini

The Watchtower Dec. 15

“Ke he magahala nai he tau, tokologa kua manamanatu ke he fanau maiaga ha Iesu. Iloa nakai e koe na ha ha he Tohi Tapu e tau fakaakoaga uho ke ako e tautolu hagaao ke he hana fanau maiaga? [Fakaata ma e tali. Ti fuluhi ke he lau 5, mo e totou e 2 Timoteo 3:16.] Ko e fufuta nai he The Watchtower kua fakatutala ke he falu he tau fakaakoaga ia.”

Awake! Dec. 22

“Manatu nakai a koe na fai kakano e tau matua ke tupetupe ke he puhala kua lauia ha lautolu a fanau he tau fakafiafiaaga favale he lalolagi he vaha nai? [Fakaata ma e tali.] Tokologa e tau matua ne fakaaoga e kupu Tohi Tapu nai mo takitakiaga. [Totou Salamo 11:5.] To lagomatai he fufuta nai he Awake! e tau magafaoa ke kumikumi e hagahagakelea kua putoia ke he tau pele eleketoniki.”

Ko e Kolo Toko Ianu. 1

“Magaaho ka galo kehe e taha fakahele he tau tagata ke he mate po ke matematekelea he gagao, fa manamanatu a lautolu, ‘Ko e ha ne fakaata he Atua e mena nei?’ Ai noa kua huhu pihia foki a koe. Fakakite mai he Tohi Tapu na fakaalofa hofihofi e Atua ki a lautolu ne matematekelea. [Totou Isaia 63:9a.] Fakamaama he mekasini nai e kakano ati kua mauokafua a tautolu to fakaoti he Atua e matematekelea.”

Awake! Jan. 8

“Manatu nakai a koe kua lata e fakatufono ke fakatauhele e tokanoaaga ke vagahau? [Fakaata ma e tali.] Ka e kua ka putoia e vagahau ke tutala ke he falu hagaao ke he lotu, tuga he totou e taua he mena nai? [Totou Gahua 28:30, 31.] He nakai la leva ia, ne ta atu e huhu nai ke he Hopoaga Tokoluga he U.S. Kua uiina a koe ke totou ki ai he fufuta nai he Awake!”