Talahauaga Hagaao ke he Tau Mekasini

The Watchtower Oct. 15

“Tokologa e tagata ne kitia e fakaakoaga ko e matapatu ni ke kautu ai e moui. Manatu nakai a koe na fai fakaakoaga ka lagomatai e tagata ke eke mo tagata mitaki mo e ke fahia ke he tau lekua he moui? [Fakaata ma e tali. Ti totou e Roma 12:2.] Kua fakatutala e mekasini nei ke he puhala ka aoga ki a tautolu e fakaakoaga mitaki lahi kua moua.”

Awake! Oct. 22

“Tokologa e tagata ne fiafia he totou e nusipepa teitei ni ke he tau aho oti. Manatu nakai a koe kua maeke ia tautolu ke falanaki ke he tau tala he nusipepa? [Fakaata ma e tali.] Kua foaki he fufuta nei he Awake! e tau puhala ke aoga mai he totou e nusipepa. Fakakite foki e kakano ne lata ke mataala.” Totou Tau Fakatai 14:15.

Ko e Kolo Toko Nove. 1

“Tokologa e tagata ne tupetupe he nakai fakafili tonu he lalolagi. Manatu nakai a koe to fai tagata nakai ka hiki moli e lalolagi? [Fakaata ma e tali.] Fakatutala e mekasini nei ke he tau fakatauhele ne taofi e hikiaga. Fakakite foki ko hai ka kautu ki ai mo e puhala ka ta mai e ia e lalolagi mafola mo e haohao mitaki moli.” Totou Salamo 72:12-14.

Awake! Nov. 8

“Ke he lalolagi katoa kua veha mamao lahi a lautolu ne monuina mo e mativa. Manatu nakai a koe to fai mena ka taute ke fakamatutaki e veha ia? [Fakaata ma e tali. Ti totou Mataio 6:9, 10.] Fakakite mai he mekasini nei e kakano ka mauokafua a tautolu to utakehe he Kautu he Atua e fekehekeheaki ne fakakelea aki e tagata he vaha nei.”