Talahauaga Hagaao ke he Tau Mekasini

The Watchtower Nov. 15

“Loga e tagata ne manamanatu ke he kakano ne kelea muitui fakahaga e tau lekua ne tutupu ke he tau tagata, kua tuga e nakai fai mitaki. Kua manamanatu nakai a koe liga ha ha he kupu nei e kakano? [Totou Fakakiteaga 12:9. Ti fakaata ma e tali.] Kua fakatutala e mekasini nei ke he tau lagatau he Tiapolo ne fakahehe aki e tau tagata mo e puhala ke totoko e tautolu e fakaohoohoaga hana.”

Awake! Nov. 22

“Pete kua lahi e mena kai ne moua ke fagai aki e tau tagata oti he lalolagi, kavi ke he 800 miliona tagata ne nakai kai mitaki. Nakai kia ko e matematekelea moli? [Fakaata ma e tali.] Kua kumikumi he mekasini nei e kakano ne holo ki mua e paleko ke fagai e tau taone. Kua fakatutala foki ke he maveheaga he Tohi Tapu ke he lalolagi ka nakai fai hoge.” Totou Salamo 72:16a.

Ko e Kolo Toko Tese. 1

“Ka logona he tau tagata e kupu “Amaketo,” tokologa ne manamanatu ke he moumouaga lahi mahaki. [Fakakite e puha he lau 3.] To ofo nakai a koe ke iloa ko e Amaketo ko e taha mena mitaki lahi ka tupu ki a tautolu? [Fakaata ma e tali.] Fakamaama he mekasini nei e kakano.” Totou 2 Peteru 3:13.

Awake! Dec. 8

“Kua amanaki au ke tala atu hagaao ke he magaaho ka fai fale mitaki e tau tagata oti ke nonofo ai. Nakai kia momoko he tokologa e tagata ne nakai fai kaina? [Fakaata ma e tali. Ti totou Isaia 65:21, 22.] Kua kumikumi he mekasini nei e tau tupumaiaga he nakai fai kaina. Fakamaama foki e puhala ka fakamoli he Atua e maveheaga ne totou laia e taua.”