Talahauaga Hagaao ke he Tau Mekasini

Ko e Kolo Toko Iulai-Sepetema

Totou Mataio 24:3. (NW) Ti pehē: “Falu ne logona hifo kua hagaao e hūhū nai ke he moumouaga he fua lalolagi ha tautolu. Manatu nakai a koe to moumou e fua lalolagi. [Fakaatā ma e tali.] Kua foaki mai he tali a Iesu e mena ke onoono fakalahi atu a tautolu ki ai​—nakai ko e moumouaga he fua lalolagi, ka ko e moumouaga he taha mena. Ko e vala tala he lau 18 kua kumikumi fakalaulahi atu e mena nei.”

Awake! September

Totou 1 Ioane 4:8. Ti pehē: “Talitonu e falu kua fakakikiveka tukulagi he Atua e tau tagata mahani kelea i kehena. Falu ne logona hifo kua nakai tatai e manatu ia mo e mena ne totou laia e tautolu. Fēfē e manatu haau? [Fakaatā ma e tali.] Kua foaki mai he vala tala nai e fakaakoaga he Tohi Tapu ke he matakupu.” Fakakite e vala tala ne kamata he lau 10.

Ko e Kolo Toko Oketopa-Tesemo

He faahi fakatupe he lalolagi he vahā nei, talitonu nakai a koe ko e fakaholahola fakamitaki he totogi kua eke mo paleko lahi? [Fakaatā ma e tali ti totou Fakamatalaaga 7:12]. He fakakite e manatu kua lata ke moua e tupe, kua peehi fakalahi he Tohi Tapu e iloilo mo e pulotu. Ko e vala tala nei, kamata he lau 10, kua fakamaama e puhala ke tumau e lagotatai mitaki he fatifati e totogi ha tautolu.

Awake! October

“Kua tutupu mooli e tau lekua he tau magafaoa oti. I fe he manatu e koe ke moua mai he tau magafaoa e fakatonuaga mauokafua mo e aoga? [Fakaatā ma e tali. Ti totou Salamo 32:8.] Ko e fufuta pauaki nei he Awake! ne fakamaama mai e loga he tau matapatu fakaakoaga he Tohi Tapu, ka fakagahua ai to lagomatai e tau magafaoa.”