Talahauaga Hagaao ke he Tau Mekasini

Ko e Kolo Toko Ianuari-Mati

“Manatu nakai a koe ko e tau mena oti ne fakaako he tau tapu kua mai he Tohi Tapu? [Fakaatā ma e tali.] Hataki e Tohi Tapu ki a tautolu ke fakaeneene neke fakahehē he tau fakaakoaga fakavai a tautolu. [Totou Kolose 2:8.] Fakakite he mekasini nei ono e fakaakoaga tuai ne nakai tatai mo e Tohi Tapu.”

Awake! January

Totou Gahua 17:31a. Ti pehē: “Ke he tokologa, ko e manatu ke he Aho Fakafiliaga kua matakutakuina. Fēfē e logonaaga haau ki ai? [Fakaatā ma e tali.] Fakaako he Tohi Tapu to tamai he Aho Fakafiliaga e tau monuina loga ke he lalolagi. Fakamaama ai he vala tala nei.” Fakakite e vala tala ne kamata he lau 10.

Ko e Kolo Toko Ianuari-Mati

“Manatu nakai a koe to eke e lalolagi mo matakavi mitaki ane mai momoui e tau tagata oti ke he matapatu fakaakoaga nei he Tohi Tapu? [Totou Roma 12:18. Ti fakaatā ma e tali.] Kua manamanatu nakai a koe mogoia ko e ha e Atua he falu magaaho ne poaki ke he tau tagata haana i tuai ke latau? Fakakite he vala tala nei e tali maama he Tohi Tapu.” Fakakite e vala tala ne kamata he lau 21.

Awake! February

“Ko e mena aga mau e tau vevehe he vahā nei. Manatu nakai a koe kua manamanatu e laulahi he tau hoa mau ke he tau mena oti ne putoia ai ato fifili ke tau vevehe? [Fakaatā ma e tali. Ti totou Tau Fakatai 14:15.] Kua tohi he mekasini nei fā e mena kua lata he tau hoa mau ke manamanatu ki ai ato fifili ke tau vevehe.”