Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Sepetema

“Manatu nakai a koe na fai fakatokatokaaga e Atua he vahā nei, po ke tuahā a koe na fehagai ni a ia ke tau tagata takitokotaha? [Fakaatā ma e tali.] Mailoga e mena nei ne talahau hagaao ke he tau tagata ne fakatokatoka he Atua he tau tau loga kua mole.” Fuke ke he lau 16 he lagaki Ko e Kolo Toko he fufuta ia Iulai-Sepetema, ti fakatutala tokoua ke he vala tala i lalo he vala mataulu fakamua mo e taha e kupu tohi. Foaki e tau mekasini, ti fakatoka ke liu atu ke fakatutala ke he taha hūhū foki.

Ko e Kolo Toko Iulai-Sepetema

“Ko e kupu Amaketo kua fakaaoga he tau tagata tohi tala, he tau ata kifaga, mo e he tau tagata ne totou e Tohi Tapu. [Totou Fakakiteaga 16:16.] He lau 4 he mekasini nei, kua foaki ai e tau tali ke he tolu e hūhū ne fa mahani ke hūhū hagaao ki a Amaketo.”

Awake! September

“Tokologa ne talahau ko e moui he lalolagi to fakaoti he taha aho, liga ha ko e felakutaki niukilia po ke matematekelea tupu pauaki, tuga e taha palaneta lapatoa po ke hikiaga he matagi. Tuahā nakai a koe ko e fuafuaaga he aho he fakafiliaga kua ha ha ai e tonu, po ke manatu ni a koe ko e miti fakatai? [Fakaatā ma e tali.] Fakakite he Tohi Tapu e maveheaga mafanatia nei. [Totou Salamo 37:29.] Kua fakakite he mekasini nei e falu tuaga mahani mau ke he aho he fakafiliaga pihia foki mo e kakano aoga mitaki he Tohi Tapu hagaao ke he tau mena ka fakatoka mai anoiha.”