Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Iulai

“Taha e mena ne tatai a tautolu, kua fai mena hepe a tautolu oti ne taute. Manamanatu nakai a koe na fakamagalo he Atua e tau gahua kelea muitui?” [Fakaatā ma e tali.] Fakakite e vala tala he lau 15 he Kolo Toko Iulai-Aokuso, ti fakatutala ke he vala tala he hūhū fakamua ti totou taha po ke ua he tau kupu tohi i ai. Foaki e tau mekasini, ti fakatoka ke liu ke fakatutala ke he taha hūhū foki.

Mailoga: Lata e fakatātāaga nei ke taute he feleveiaaga ma e gahua he fonua ia Iulai 6.

Ko e Kolo Toko Iulai-Aokuso

“Manako a maua ke iloa e manatu haau hagaao ke he talahauaga nei. [Totou 1 Ioane 4:8.] Tokologa ne talia e tau kupu nei, ka e manamanatu e falu liga kua favale lahi e Atua he fakatupu po ke fakaatā e tau matematekelea tutupu pauaki. Ko e heigoa e manatu haau? [Fakaatā ma e tali.] Fakakite mai he mekasini nei e tau kakano mitaki ke nakai fakafili fakahehē e tautolu kua favale e Atua.”

Awake! Iulai

“Kua ahiahi a maua ke he tau katofia kaina ke tutala hagaao ke he lekua lahi​—ko e nakai fakafili tonu. Ne fehagai e falu tagata ke he nakai fakafili tonu he totoko ai. Manatu nakai a koe kua kautū e tau tagata totoko ke taute e tau hikihikiaga? [Fakaatā ma e tali.] Mailoga e talahauaga he Tohi Tapu ke he mena ka tamai e hikiaga mooli ke he lalolagi. [Totou Mataio 6:9, 10.] Tali he mekasini nei e hūhū, Ko e totoko kia e tali?”

Tala Mitaki Mai he Atua!

“Kua ahiahi a maua ke he tau magafaoa ne nonofo he matakavi haau ke tutala ke he manatu atihake mai he Tohi Tapu. Tokologa ne tutala a maua ki ai ne manamanatu ko e ha e Atua fakaalofa kua fakaatā e matematekelea lahi he lalolagi. Manatu nakai a koe ko e taha vala he finagalo fakamua he Atua ke matematekelea e lalolagi?” Fakaatā ma e tali. Ti fuluhi ke he Fakaakoaga 5, totou ti fakatutala ke he tau paratafa ua fakamua mo e tau kupu tohi ne fakalilifa. Foaki e porosua, ti taute e tau fakatokaaga ke liu atu ke fakatutala ke he taha hūhū foki ne matatohi puni lahi.