Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Aokuso

“Maama e tautolu ko e poa lukutoto ha Iesu ati maeke ai ke fakamagalo e tau agahala ha tautolu. Ka ko e heigoa he manatu e koe kua lata ia tautolu takitokotaha ke taute ke fakamagalo e tau agahala ha tautolu?” Fakaatā ma e tali. Fakakite e lau i tua he Kolo Toko ia Iulai-Aokuso ti fakatutala ke he vala tala i lalo he hūhū ke uaaki mo e taha e kupu Tohi Tapu ne tu ai. Foaki e tau mekasini, ti fakatoka ke liu atu ke fakatutala atu foki ke he matakupu ia he tohi Fakaako he Tohi Tapu, Veveheaga 5.

Mailoga: Lata e fakatātāaga nei ke taute he feleveiaaga ma e gahua he fonua ia Aokuso 3.

Ko e Kolo Toko Iulai-Aokuso

“Fa logona e tautolu e tau mena tutupu pauaki ne kua tokologa e tagata ne matematekelea ai. Liga pehē falu ha ko e Atua kua pule ke he lalolagi ko ia ne fakatupu e tau mena tutupu pauaki nei ti kua favale mooli a ia. Fēfē haau a manatu ke he talahauaga ia? [Fakaatā ma e tali.] Mailoga la e talahauaga he Tohi Tapu hagaao ke he logonaaga he Atua he mogo ka matematekelea e tau tagata. [Totou Isaia 63:9a.] He lau 4 he mekasini nei kua fakamaama mai ko hai mooli ne fakatupu e matematekelea ke he tau tagata mo e to fakaotioti fēfē he Atua.”

Awake! Aokuso

“Tokologa ia tautolu kua manako ke momoui loloa. Manatu nakai a koe ha kua holo ki mua e tau puhala fakasaiene to maeke ke momoui tukulagi? [Fakaatā ma e tali.] Mailoga la e maveheaga fiafia nei. [Totou 1 Korinito 15:26.] Ka e to fakamooli fēfē he Atua e mena nei​—fakasaiene kia po ke falu puhala foki? Mo e ko e ha a tautolu mogonei ne fuakau ti mamate? Fakakite he mekasini nei e tali he Tohi Tapu ke he tau hūhū nei.”