Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Me

“Igatia e tau tagata mo e tau manatu hagaao ke he Atua. Falu ne manatu ko e Atua ko e malolō fakagalogalo. Falu ne manatu ko Ia ko e Matua fakahelehele he lagi. Fēfē haau a manamanatuaga ke he Atua?” Fakaatā ma e tali. Fakakite e lau i tua he Kolo Toko ia Me-Iuni, ti onoono tokoua ke he vala tala i lalo he hūhū fakamua mo e kitekite ke he taha po ke ua e kupu tohi. Foaki e tau mekasini, ti fakatoka ke liu atu ke fakatutala ke he taha hūhū foki.

Ko e Kolo Toko Me-Iuni

“Kua ahiahi fakakū mai ke fakatutala ke he taha mena kua mahuiga ke he tokologa. Ko e laulahi he tau tagata kua liogi, pete ni kua kehekehe e tau lotu. Manatu nakai a koe kua tali he Atua e tau liogi, po ke fakamafana noa ni ke he tau lekua ha tautolu? [Fakaatā ma e tali.] Mailoga e mena kua talahau he Tohi Tapu hagaao ke he liogi. [Totou 1 Ioane 5:14.] To fakamaama he mekasini nei e aoga he liogi ma tautolu.”

Ko e Kolo Toko Me-Iuni

“Tokologa ne manatu kua mavehevehe a tautolu ha ko e tau lotu, ka e falu ne manatu ka tua fiofio to tupu mai e kaufakalataha. Manatu kia a koe ko e tua fiofio ko e puhala he Atua ke ta mai e kaufakalataha ke he tau tagata he vahā nei? [Fakaatā ma e tali.] Mailoga e talahauaga he Tohi Tapu ke he tua fiofio. [Totou 2 Korinito 6:14, 15] He lau 8 he mekasini nei kua fakamaama mai e puhala he Atua ka ta mai e kaufakalataha mooli he vahā nei.