Tau Fakafeleveiaaga Fakataitai

Moua e Tautolu i Fe e Tau Tali ke he Tau Hūhū Aoga Lahi he Moui?

Foaki e tuleke ke he tagata he kaina ke maeke a ia ke kitia e mataulu tala ti talahau: “Fakaalofa atu. Kua taute a maua he matagahua pauaki ne taute he lalolagi katoa ke tufatufa e fekau aoga nei. Ha ē e lagaki haau.”

Kaeke ke toka e koe e tuleke he kaina ne ai fai tagata, tuku ke he mena ke nakai kitia he falu ti ua pepelu e tuleke ka nakai lata.

Kaeke ke fakakite he tagata he kaina e fiafia po ke manako ke tutala, liga hūhū a koe ma e haana manatu ke he tau fufuta hūhū i mua. Hafagi e tuleke mo e fakakite e manatu mai ia Salamo 119:144, 160. Fakamaama e vala tala i loto he tuleke hagaao ke he faahi Kupega Hila kua maeke ai ke lagomatai a ia ke moua e tau tali mitaki mai he Tohi Tapu. Liga maeke ia koe ke fakakite ki a ia e vitiō Ko e Ha ne Fakaako e Tohi Tapu? To fano a koe, fakakite age e tau hūhū tolu he lau fakahiku he tuleke mo e hūhū ki a ia ko e vala fe kua tupetupe lahi a ia ki ai. Talahau to liu atu a koe ke fakakite ki a ia e puhala ke moua e tali he Tohi Tapu ke he hūhū ia he fakaaoga e jw.org. Ka liu atu a koe, fakatutala e tali he kumikumi ki lalo he mataulu BIBLE TEACHINGS > BIBLE QUESTIONS ANSWERED

Kaeke kua tufatufa foki e tau uiina ke he fonoaga faahimotu haau, foaki ke he tagata he kaina e uiina fakalataha mo e tuleke ti tala age, “Ke lafi ki ai, kua foaki e maua ki a koe e uiina ke he fonoaga ma e tau tagata, ne kua amaamanaki ki ai.”

Ko e Kolo Toko Iulai-Aokuso

He tau matahiku he faahi tapu, ka latatonu ai, talahau e mena ē ke lata mo e Ko e Kolo Toko: “Kua manako foki a maua ke foaki atu ki a koe e mekasini foou ha mautolu. Ko e fufuta nei he Ko e Kolo Toko kua tali e hūhū, Ko e heigoa e onoonoaga he Atua ke he ula tapaka?”