Fakaaoga Fakamitaki Nakai e Koe e Tau Laupepa Matutaki he JW.ORG?

He mailoga e matematekelea lahi hane hoko mai, kua mafiti lahi e gahua fakamatala ha tautolu. (Ftai 24:11, 12, 20) Ke lagomatai e tau tagata, maeke a tautolu ke fakaaoga e tau laupepa matutaki ke takitaki a lautolu ke he Kupu he Atua mo e ke he faahi kupega hila ha tautolu. I loto he laupepa e code ne matutaki ke he vitiō Ko e Ha ne Fakaako e Tohi Tapu? mo e uiina ke moua foki falu vala tala po ke fakaako Tohi Tapu. Falu tagata ne nakai hihiga ke talia e tau tohi ka kua makai ke o atu ke he faahi kupega hila ha tautolu. Ua fakauaua ke age ki a lautolu e laupepa matutaki. Ka e ua toka e tau laupepa matutaki mo lautolu ne nakai fiafia.

He taute a koe he tau gahua he aho, maeke a koe ke fakalagalaga e fiafia he tagata he talahau: “Fai mena au ne manako ke atu ki a koe. Takitaki atu he laupepa nei a koe ke he faahi kupega hila ne toka ai e tau vala tala mo e tau vitiō hagaao ke he tau matakupu kehekehe ne nakai fai totogi.” (Ioa 4:7) Ha kua ikiiki e tau laupepa matutaki, maeke a koe ke uta falu mo koe ke age ke he falu he ha mogo kua lata.