“Ko Ia kua Fakalataha he Atua . . .”

He Fakatufono faka-Mose, kua lata e tagata taane ne manamanatu ke tau vevehe ke tauteute e tohi matafakatufono. Eke e mena nei ke taofi e tau vevehe fakamafiti he tau fakamauaga. Ka e he vahā ha Iesu kua fakamukamuka he tau takitaki lotu ke moua e tau vevehe. Maeke e tau tagata taane ke tau vevehe mai he tau hoana ha lautolu ma e tau kakano oti. (“tohi vega” vala fakaako ia Mar 10:4, nwtsty; “kua tiaki hana hoana,” “kua faivao a ia kia ia” tau vala fakaako ia Mar 10:11, nwtsty) Ne talahau fakamahino e Iesu ko e fakamauaga kua fakaatā mo e fakatū e Iehova. (Mar 10:2-12) Ko e taane mo e hoana kua eke mo “tino taha” he pipiaga tukulagi. Ko e fakavēaga ni he Tohi Tapu ma e tau vevehe ne hagaao ke he matakupu nei foki ia Mataio ko e “faivao” he mahani feuaki.​—Mat 19:9.

He vahā nei, tokologa e tagata ne onoono ke he fakamauaga, nakai tuga a Iesu ka e tuga e tau Farasaio. Ka tutupu e tau lekua, ko lautolu he lalolagi kua mafiti ke tau vevehe. Ka ko e tau hoa Kerisiano kua fakamooli ke he ha lautolu a tau omonuo he fakamauaga, ti eketaha ke kautū mai he tau tuaga vihi he fakagahua e tau matapatu fakaakoaga he Tohi Tapu. Ka oti e kitekite he vitiō Fakaalofa mo e Fakalilifu kua Fakalataha e Tau Magafaoa, tali e tau hūhū nā:

• 

  Maeke fēfē a koe ke fakagahua e Tau Fakatai 15:1 he fakamauaga haau, ti ko e ha kua aoga e mena nei?

• Maeke fēfē a koe ke kalo mai he tau lekua he fakagahua e Tau Fakatai 19:11?

• Ka teitei e fakamauaga haau ke mavehevehe, ua manamanatu, ‘Lata nakai au ke tau vevehe?’ ka ko e heigoa e tau hūhū ka manamanatu a koe ki ai?

• Eke fēfē a koe mo taane po ke hoana mitaki he fakagahua e Mataio 7:12?