Logona Kia he Atua e Tau Liogi Haau?
Ka liogi a koe, manatu nakai a koe to logona mooli he Atua a koe?
KO E HEIGOA NE TALAHAU HE TOHI TAPU?
Hane fanogonogo e Atua. Tala mai he Tohi Tapu ki a tautolu “kua tata mai a Iehova kia lautolu oti kana ne ui atu kia ia, ko lautolu oti ne ui kia ia mo e fakamoli. . . . To fanogonogo a ia ke he ha lautolu a kalaga atu.”—Salamo 145:18, 19.
Manako e Atua ki a koe ke liogi ki a ia. Uiina he Tohi Tapu a tautolu: “Kia fakailoa atu ke he Atua e tau manako ha mutolu ke he tau mena oti kana ke he liogi, mo e ole, katoa mo e fakaaue.”—Filipi 4:6.
Kua leveki mooli e Atua ki a koe. Mailoga katoa he Atua e tau tupetupe mo e tau fakaatukehe ha tautolu ti manako a ia ke lagomatai. “Kia tuku atu kia ia e tau mena oti kua fakaatukehe ai a mutolu,” he talahau he Tohi Tapu, “ha ko e mena kua manatu e ia a mutolu.”—1 Peteru 5:7.