Ko e Heigoa e Kakano he Moui?

Tali he Tohi Tapu

Loga e hūhū fakauaua ke he kakano he moui tuga anei, Ko e ha ne ha ha hinei a tautolu? po ke Fai kakano nakai e moui haaku? Fakakite he Tohi Tapu ko e kakano he moui ke feaki e fakafetuiaga mo e Atua. Manamanatu ke he falu fakaakoaga mooli nei ne fakakite he Tohi Tapu.

Ko e Atua e Tufuga ha tautolu. Pehē e Tohi Tapu: “Ko ia [Atua] ne eke a tautolu, ka e nakai ko tautolu.”—Salamo 100:3; Fakakiteaga 4:11.
Fai kakano e tau mena oti kana ne tufuga he Atua, putoia ai a tautolu.—Isaia 45:18.
Tufuga he Atua a tautolu aki e manako ke he tau puhala faka-Atua, putoia e manako ke kumi e kakano he moui. (Mataio 5:3) Fakamakona he Atua e manako ia ha tautolu.—Salamo 145:16.
Puke e tau manako faka-Atua ha tautolu he feaki e fakafetuiaga mo e Atua. Pete kua liga nakai fakaai ke he falu tagata e manatu ke eke mo kapitiga he Atua, ka e foaki mai he Tohi Tapu e fakamafana: “Kia fakatata atu a mutolu ke he Atua, ti fakatata mai ai a ia kia mutolu.”—Iakopo 4:8; 2:23.
Ke eke mo kapitiga he Atua, lata a tautolu ke momoui lagotatai mo e finagalo Haana ki a tautolu. Talahau he Tohi Tapu e finagalo nei he Fakamatalaaga 12:13: “Kia fakalilifu e Atua, ti omaoma ke he tau poakiaga haana ha ko e kakano anei ati tufugatia a tautolu oti.”—Good News Translation.
He mogo i mua, to moua katoatoa e tautolu e finagalo fakamua he Atua ma tautolu ka utakehe e ia e matematekelea ti foaki e moui tukulagi ke he tau kapitiga haana ne tapuaki ki a ia.—Salamo 37:10, 11.