Matahui Tala

a Mai he falu a mena foki, ne pehe e tala nei: “Nakai la laulahi pihia ha fakamoli ke he kupu moli tali mai he tau tau gahoa kua mole. . . . Kua tamai e lautolu ne toe kua fakauku e fekau fiafia, mo e pehe ki a lautolu: ‘Ko hai ne manako, kia uta noa e ia e vai he moui.’ Ne tala age ki a lautolu kua maeke a lautolu ke tutu mogonei he fahi he Iki, mo e totoko atu ke he Tiapolo, ke moua e fakamonuinaaga. Nakai kia ko e vahega tagata pihia kua lata ke kumi he magaaho nei e mahani molu mo e tututonu, ke galo he aho ka fakakite mai e ita lahi hana, mo e takitaki atu ke mole e tauaga lahi i Amaketo mo e ke moui tukulagi nakai mate? (Sefanaia 2:3) . . . Ko e vahega fakauku ne toe kua matutaki fakalataha ke he uiina he fakaalofa noa nei mo e pehe, ‘Ati hau a.’ Ko e fekau nei kua lata ke fakailoa ki a lautolu ne manako ke he tututonu mo e kupu moli. Kua lata ni ke taute mogonei.”