Matahui Tala

a He tutala a Iesu hagaao ke he fakamailoga he tau aho fakamui, ne fakakite e ia ke he tau tutaki haana e tau fakatai loga. Kua matakehe ai ha kua hagaao fakamua a ia ke he “fekafekau fakamoli mo e loto matala,” ko e matakau tote he tau matakainaga fakauku ka takitaki ke he tau tagata he Atua. (Mataio 24:45-47) Ti fakakite e ia e tau fakatai ne hagaao ki a lautolu oti ne fakauku. (Mataio 25:1-30) Fakahiku ai ne tutala a ia hagaao ki a lautolu ka lalago e tau matakainaga he Keriso mo e momoui tukulagi he lalolagi. (Mataio 25:31-46) Pihia foki, ka kamata e perofetaaga ha Esekielu ke fakamooli he magahala ha tautolu, kua hagaao fakamua ki a lautolu ne amaamanaki ke momoui he lagi. Pete kua nakai fa hukui he tau magafaoa hogofulu ha Isaraela a lautolu ka momoui tukulagi he lalolagi, ko e fakalataha auloa ne fakamaama he perofetaaga nei ne fakamanatu ai e fakalataha he vahāloto ha lautolu nei mo lautolu ne fakauku.