Tau Fakailoaaga

◼ Tau tohi foaki ia Ianuari: Ha tohi tuai lau 192—Ko e Kupu Mooli ke Takitaki Atu ai ke he Moui Tukulagi. Fepuari: Ko e Mena Galo he Fiafia he Magafaoa. Mati: Iloilo ne Takitaki Atu ke he Moui Tukulagi. To mua atu e lali ke kamata e tau fakaakoaga Tohi Tapu he kaina. Aperila: Tau lagaki takitaha he Kolo Toko mo e Awake! Toka kehe e porosua Manako ma lautolu ne fiafia, mo e lali fakalahi ke kamata e tau fakaakoaga Tohi Tapu he kaina.

◼ To tufa ke he tau tagata fakailoa oti ne papatiso ne ha ha ia he Feleveiaaga Fekafekau he vahatapu ia Ianuari 25 e lau Advance Medical Directive/​Release mo e Identity Card ma e tau fanau ha lautolu.

◼ Kamata mo e fufuta he Awake! Ianuari-Mati 1999, to lomi fakakuata ke he vagahau Vieteneme.

◼ Ke kamata ia Mati, ko e lauga fou he tau leveki takaiaga ma e tau tagata “Kua Moli Fefe e Atua ki a Koe?”

◼ Lata e tau fakapotopotoaga ke taute e tau fakatokatokaaga he Fakamanatuaga he tau nei ke he Aho Tuloto, Aperila 1, he to e la. Pete kua kamata tuai e lauga, ko e tufa he tau fakataiaga he Fakamanatuaga nakai lata ke kamata ato to e la. Fakatonu ke he tau fakailoaaga he matakavi hau ke he magaaho moli ka to e la. Pete kua mitaki ke igatia e tau fakapotopotoaga ke taute hana Fakamanatuaga, nakai mukamuka tumau e mena nei. Kaeke kua loga e tau fakapotopotoaga ne fakaaoga e Fale Kautu, ligaliga maeke nakai he taha ke kumi taha fale foki ma e po ia. Ka maeke, kua talahau atu e mautolu ke lata ke fakata 40 e minuti he oti e fakaholoaga ke fakafeleveia mo lautolu kua o mai, fakamafana age a lautolu ne fou, mo e aoga fakalahi mai he fakamanatuaga. Lata foki ke manamanatu ke he fakatokaaga he tau motoka mo e tau mena ne lauia ai, mua atu ai ka fakatoka hifo mo e uta a lautolu kua o mai. Lata he kau motua ke fifili e tau fakatokaaga ne kua lata ke he matakavi.

◼ To kamata e lauga pauaki ma e vaha he Fakamanatuaga he 1999 he Aho Tapu, Aperila 18. Ko e matapatu he lauga ko e “Kapitiga Moli mo e Atua mo e Katofia.” To foaki atu e fakatokaaga. Ko e tau fakapotopotoaga ia ka ahi he leveki takaiaga, ka fai toloaga he takaiaga, po ke aho toloaga pauaki he matahiku he fahi tapu ia to taute e lauga pauaki he tapu hake. Kia nakai fai fakapotopotoaga ke kamata e lauga pauaki ato hoko a Aperila 18, 1999.

◼ Kua taute tai e Watchtower Publications List fou ti kua fakafano ke he tau fakapotopotoaga. Fakamolemole kikite e Publications List ma e tohi fakafou he tau tohi fou ne moua.

◼ Tau Tohi Fou kua Moua:

Faka-Peritania: 1999 Calendar of Jehovah’s Witnesses; Examining the Scriptures Daily​—1999.

◼ Tau Vitiokasete Fou kua Moua:

Faka-Peritania: Noah​—He Walked With God.

◼ Tau Tohi Kua Liu Moua:

Faka-Peritania: 1998 Yearbook of Jehovah’s Witnesses; Good News for All Nations; The Time for True Submission to God; Your Youth​—Getting the Best out of It.

◼ Tau Tohi Nakai Fai i N.S.:

Faka-Peritania: “All Scripture Is Inspired of God and Beneficial;” What Is the Purpose of Life​—How Can You Find It?

Fakaakoaga Tohi he Fakapotopotoaga

Setulu ma e tau fakaakoaga fakapotopotoaga ke he porosua Kua Leveki Moli Kia he Atua a Tautolu?

Ianuari 4: Lau 12, para. 1 ke he lau 17, para. 14

Ianuari 11: Lau 17, para. 1 ke he lau 21, para. 11

Ianuari 18: Lau 21, para. 12 ke he lau 27, para. 2

Ianuari 25: Lau 27, para. 23 ke he lau 31, para. 18

Hikihikiaga he Tau Magaaho ne Poaki ma e Tau Paionia

¹ Kua fakaaue lahi a tautolu oti he tau gahua malolo he tau paionia tumau mo e fakaku he fakapotopotoaga. Pete ni he kaupa e fonua ti gahua fakamakutukutu tumau, kua fakatoka mai he tau paionia e fakafifitakiaga mitaki he ha lautolu a fekafekauaga fakamakutu he Kautu. Kua fakamafana e lautolu e tau tagata fakailoa oti ke lavelave tumau he kumi ai a lautolu ne “kotofa.”​—Gahua 13:48.

² Kua logona he Sosaiete e tau mena uka fakahaga ne kua fehagai he tau paionia, mua atu ni hagaao ke he ha gahua tupe ke fakata a lautolu ke tokaga e tau manako fakatagata ha lautolu ke taofi mau e fekafekauaga tumau. Pihia foki, ko e tuaga fahitupe ke he tau motu loga he vaha nei kua uka lahi ke he falu ke hu atu ke he gahua paionia, pete ni kua loto lahi a lautolu. Ha ha i ai he tau mogonei, kua kikite ai fakamitaki e tau mena nei mo e falu atu foki.

³ Ha ko e mena ia, kua tukutuku hifo mai he Sosaiete e tau magaaho poaki ma e tau paionia tumau mo e fakaku. Kamata ai he kalena 1999, ko e poakiaga ma e tau paionia tumau to tuku ke 70 e tula he mahina, po ke katoatoa e 840 e tula he tau. Ko e poakiaga he mahina ma e tau paionia fakaku to tuku ke 50 e tula. Ko e magaaho poaki ma e tau paionia pauaki mo e tau misionare kua nakai hiki, ha kua lagomatai he Sosaiete e levekiaga ke he tau manako fakatagata ha lautolu. Ko e mena ia, kua maeke a lautolu ke onoono fakalahi ke he gahua fakamatala mo e taute tutaki ha lautolu.

⁴ Kua amaamanaki ai ko e hikihikiaga nei he tau magaaho poaki to lagomatai ke fakalauka atu e tau paionia ke taofi mau e fekafekauaga lilifu uho nei. Kua lata foki ke hafagi aki ai e puhala ma e loga he tau tagata fakailoa ke hu atu he gahua paionia fakaku po ke tumau. Ko e fakamonuinaaga ha anei ki a lautolu oti he fakapotopotoaga!