Tauteute Kia a Koe ke Hiki?

Kaeke ko e tali hau ke he huhu ia ko e e, ha ha i ai loga e tau mena ma hau mo e falu foki ne lata ke makaukau ke taute fakamua. He fakaaoga ai e tau lakaaga na i lalo, to mafiti ai a koe ke fakamahani mo e fakapotopotoaga fou hau.

(1) Kaeke kua iloa e matakavi ka fano a koe ki ai, to maeke he tohikupu he fakapotopotoaga nei hau ke kumi e matahigoa he Fale he Kautu ke he fakapotopotoaga fou hau. He hoko atu ke he matakavi ia, kumi agataha e fale mo e fakamau e tau magaaho feleveia he fakapotopotoaga. Kaeke molea ke taha e fakapotopotoaga ne fakaaoga e Fale he Kautu, huhu age ke he tau motua ke talahau e fakapotopotoaga he matakavi ne nofo ai a koe. Aua fakatolomaki ke finatu ke he tau feleveiaaga mo e ke fakamahani mo e tau motua i ai.

(2) Ko e tohikupu he fakapotopotoaga nei hau pihia mo e he fakapotopotoaga fou foki ka gahua magaogao ke fakafano e tau tohi Congregation’s Publisher Record hau mo e hau a magafaoa. Kia fakafano foki e tohi fakafeleveia ke he tau motua he fakapotopotoaga fou hau. (Kikite e Puha Huhu he Fepuari 1991 Our Kingdom Ministry.) To fakailoa age he Komiti Fekafekau he Fakapotopotoaga i ai ke he takitaki he fakaakoaga tohi ne lata e hauaga hau ti maeke ia ia ke fakamatutaki mo koe mo e lagomatai a koe ke kitia e matakau he fakaakoaga tohi fou hau.​—Roma 15:7.

(3) Fai vala oti e tau tagata fakailoa he fakapotopotoaga fou hau ke fakakite e olioli​—ke fakamahani mo koe mo e fakafeleveia atu ki a koe. (Fakatatai 3 Ioa. 8.) Ka e, kakano anei ke finatu a koe ke he tau feleveiaaga ti moua e koe e olioli he fefakamafanaaki mo e ati hake mai he tau naga tane mo e fifine.

(4) Nakai lata ia koe ke leo ato oti e tau gahua putoia he hiki ke fakalataha atu he fekafekauaga mo e he fakapotopotoaga fou hau. Ka fakatoka fakamua e koe e tau gahua he Kautu, to leveki atu e tau mena oti, ti hagahaga mitaki hau a logonaaga he hau a kakai fou. (Mata. 6:33) He nofo hifo a koe he kaina fou hau, liga to manako foki a koe ke uiina atu a falu he fakapotopotoaga ke aahi atu ke fakamahani fakamitaki.​—Roma 12:13e.

Ko e gahua lahi mahaki e hikihiki fano. Pete ni ia, kaeke ka gahua auloa a lautolu ne putoia ai, to nakai liutua fakaagaga. To navanava oti e tau tagata ha ko e feofanaki he tau matakainaga Kerisiano ha tautolu.