20. Ke puipui mai he Tagata kua eke ke lukutoto, ko e heigoa ha lautolu i loto he maga kua eke mo huaga fakatai kua lata ke taute?

²⁰ Ke puipui mai he tagata kua eke ke lukutoto, kua lata ia ia ne keli totamaki e ha tagata ke nofo he maga kua eke mo huaga mo e nakai ke hahaka ki fafo he tau maga kelekele ia. Ka e kua a lautolu i loto he maga kua eke mo ­huaga? Ke hao mai he Tagata kua eke ke lukutoto ne mua, kua nakai lata ia lautolu ke toka e maga. E moli, kua lata ia lautolu ke puipui mai he tau tauhele ke o atu ke he kapikapi he maga kelekele ia, ke talahau ai pihia. Kua lata ia lautolu ke fakaeneene neke tupu e fakaalofa ma e lalolagi ha Satani ke he ha lautolu a tau loto. Kua ui mai e mena nei ma e liogi mo e laliaga, ka e kua falanaki e tau momoui ha lautolu ki ai.​—1 Ioane 2:15-17; 5:19.

Tau Atua he Fifine ne Tupuloga mo e Felakutaki

HE MAGAHALA he gahua kumikumi ke he kelekele i Ebla, Suria, kua moua ai e kanavaakau ne fakatino mai a Iseta, ko e atua fifine Papelonia he tupuloga mo e felakutaki. Kua fakamaama mai ai he tagata kumikumi ke he kelekele ko Paolo Matthiae ke tuga e “gati veliveli ne pili ki ai e mena fakalotu ne fakatino mai e ekepoa fifine ne kofukofu i mua he fakatai fakaatua . . . mo e ulu hana ne pilimau ai ke he taha fahi.”

Kua kehe lahi e mouaaga, ha ko e matohiaga he mena fakatai ia kua fano muatua ai ke he kamataaga he senetenari 18 aki F.V.N. Hagaao atu ki a Matthiae, kua foaki he mena nei e “talahauaga moli” ko e tapuaki Iseta kua fuafua ke hoko ke liga 2,000 he tau tau.

Ne kamata e tapuaki ki a Iseta i Papelonia ti he tau senetenari ne mui mai kua hufia katoa ai e Kautu Roma. Kua poaki e Iehova ke he tau Isaraela ke tiaki katoatoa e tau puhala he lotu fakavai mai he Motu he Maveheaga, ka e ha kua kaumahala a lautolu ke taute pihia, kua eke ai e tapuaki ki a Asaira (ko e fakatai Kanana ha Iseta) mo matahele ki a lautolu.​—Teutaronome 7:2, 5; Tau Fakafili 10:6.

Ka e pete ni kua nakai ha ha i ai a Iseta mo e hana a fakatai ko Asaira, ko e tau aga ne fakakite e laua​—ko e mahani feuaki mo e kolokolovao​—kua tupu ki mua. Kua lata ai ia tautolu ke huhu ko e kehe lahi moli kia e kaufakalatahaaga fou nei mai he tau matakau tagata i tuai ne tapuaki ke he tau atua fifine nei he tupuloga mo e felakutaki.