Hokotaki he Fekafekau ia Aokuso

Ave. Ave. Ave. Liu Ave. Fkako.

Numera he: Tula. Meka. Ahi. T/Tapu

Paio. Pau. 11 108.0 121.9 67.7 5.9

Paio. 682 57.4 48.1 24.4 2.2

Paio. Fku. 223 50.0 39.1 17.3 1.3

Tgt. Fkiloa. 12,511 8.4 9.6 4.0 0.3

KATOA 13,427 Papatiso: 67

Paio. Paio. Tgt.

Motu Pau. Paio. Fku. Fkiloa. Katoa

Ae. Kuki – 16 7 168 191

Ae. Niue 2 2 – 23 27

Ae. Nofoko – – – 8 8

Tonga 6 16 5 202 229

Tau Fakailoaaga

◼ Tohi foaki ma Novema: Iloilo ne Takitaki Atu ke he Moui Tukulagi po ke tuleke Manako Nakai a Koe ke Iloa Lahi e Tohi Tapu? Tesemo: Ko e Tagata Mua Ue Atu ne Moui. Ianuari: Ha tohi tuai ne 192 e lau ne ha ha he fakapotopotoaga. Fepuari: Fakatata Atu ki a Iehova.

◼ Kua lata e leveki fakapotopotoaga po ke taha ne fifili e ia ke tivi e fakamauaga tupe he fakapotopotoaga ia Tesemo 1 po ke nakai leva mai he magaaho ia. Kaeke fai pepa tupe kehe foki, tuga ma e leveki po ke talagaaga fale, lata ke fai tauteaga foki ke tivi e tupe ia. Ka oti e (tau) tivi, kua lata e mena nei ke fakailoa ke he fakapotopotoaga fakalataha mo e hokotaki tupe ka hau.

◼ Ko e tohikupu he tau fakapotopotoaga takitaha ne leveki e Fale he Kautu kua lata ke kitia kua fakapuke katoatoa e “Annual Congregation Property Documents & Safety Inspection Worksheet” (T-34 7/01).

◼ Ko e vitio Transfusion-Alternative Health Care​—Meeting Patient Needs and Rights ka fakatutala ki ai he Feleveiaaga Fekafekau ia Ianuari. Kaeke manako ki ai, lata ke ole fakamafiti ke he tau lagaki puhala he fakapotopotoaga.

◼ Ko e tau tupe foaki fakaalofa ke he “Gahua he Kautu​—Mataio 24:14” ka taute ke he sieke he tau toloaga he takaiaga, tau aho toloaga pauaki mo e tau fonoaga, po ke fakafano fakahako atu ke he La Ofisa ha Niu Silani, kua lata ke tohi ai ke totogi ke he “Watch Tower.” Lauia foki e tauteaga nei ke he ha sieke kua tuku ke he tau puha mena fakaalofa ma e “Gahua he Kautu” i loto he Fale he Kautu. Kaeke manako ke he risiti fakamolemole tohi foki e higoa mo e kaina hau i tua he sieke.

Maeke Fefe ia Tautolu ke Lagomatai?

¹ Ko e huhu “Maeke fefe ia tautolu ke lagomatai?” kua fa huhu he Tau Fakamoli a Iehova ka logona e lautolu ha lekua tupu pauaki he falu matakavi he lalolagi. Tuga ne fakakite he tala ia Gahua 11:27-30, ne foaki he tau Kerisiano he senetenari fakamua e tau fakaholoaga lagomatai ke he tau matakainaga ne nonofo i Iutaia he to e hoge.

² He tau vaha fou, kua fakaata he tau matafakatufono he fakatokatokaaga ha tautolu e tau tupe ke fakaaoga ma e tau gahua foaki fakaalofa mo e foaki lagomatai ki a lautolu ne matematekelea he tau lekua tupu pauaki po ke he taute he tagata mo e he falu magaaho ne manako lagomatai ai.

³ Ma e fakatai, he tau kua mole ne tokologa e tau matakainaga ne foaki lagomatai ma lautolu ne lauia he peau kula i Asia Toga. Ko e tali mafanatia nei ne puhala he tuku tupe lagomatai ke he potaaga tupe lagomatai he fakatokatokaaga kua fakaaue lahi ki ai. Ka e, ka tuku pauaki e mena fakaalofa ke he taha matematekelea, ko e falu motu kua fakaaoga ni e tupe ia fakamahao ke he matematekelea ne talahau he tagata foaki ke fakaaoga ki ai mo e he kotofa magaaho, pete he fita e leveki he motu e tau manako he tau matakainaga ha tautolu po ke nakai.

⁴ Ko e mena ia, kua pulega atu kia tuku e tau tupe lagomatai ma e gahua foaki fakaalofa mo e tau foaki lagomatai matematekelea ke he gahua he lalolagi katoa. Na fakaaoga foki e tupe nei ma e tau gahua lagomatai matematekelea pihia mo e fakaholo ki mua he tau manako fakaagaga he tau matakainaga Kerisiano he lalolagi katoa. Kaeke, he ha kakano ni, kua manako e tagata ke tuku tupe lagomatai, kehe mai he tupe foaki ke he gahua he lalolagi katoa, to talia agaia ni mo e fakaaoga ai ke he ha gahua foaki lagomatai. Ka e, mitaki ka tuku e tau tupe lagomatai pihia mo e nakai fakamahao ni ke he matakavi mo e puhala ne liga ke fakaaoga aki e tau mena foaki.

⁵ Ko e pulega ha mautolu ke tuku e tau tupe lagomatai fakahako ke he gahua he lalolagi katoa ke maeke ke fakalahi hake e tupe mo fakaaoga ke he tau gahua oti he Kautu ka e nakai toka ni ma e tau manako lagomatai i mua. Kua lautatai e mena nei mo e aga he Efeso 4:16, ke gahua auloa a tautolu ke foaki e tau mena kua lata ke “ati hake ai he tino e ia a ia ni ke he fakaalofa.”