HŪHŪ 7
Ko e Heigoa ne Talahau Tuai he Tohi Tapu Hagaao ke he Vahā ha Tautolu?
“Ha ko e mena to laga e taha motu ke he taha motu, ko e taha kautu ke he taha kautu; . . . Ko e tau mena oti ia ko e kamataaga ia he tau mena matematekelea.”
“To tutu mai e tau perofeta pikopiko tokologa, ti fakahehe e lautolu e tau tagata tokologa. Ke momoko foki e tau loto he tau tagata tokologa, nukua tupu lahi e mahani hepehepe.”
“Ka logona e mutolu e tau tau mo e tau ogo tau, ua fakaatukehe a mutolu; ha ko e mena hohoko mai e tau mena ia ke lata ai, ka e nakala hoko ke he fakaotiaga.”
“To ha i ai e tau mafuike lalahi ke he taha mena mo e taha mena, ko e tau hoge foki, mo e tau tatalu, mo e tau mena fakamatakutaku, mo e tau fakamailoga lalahi mai he lagi.”
“Ko e tau aho fakamui to hohoko mai ai e tau aho uka; Ha ko e mena ke ofaofa he tau tagata a lautolu ni, to velevele koloa, to hula noa, to fakatokoluga, to vagahau kelea, to faliuliu ke he tau matua, to nakai fakaaue, to mahani kelea, To nakai fai fakaalofa to nakai fia loto mafola, to tauamuamu, to nakai taofi e tau manako he tino, to mahani favale, nakai loto ke he mitaki, To afo tagata, to mahani fakahanoa, to fakatokoluga, to manako lahi ke he tau mena ke fiafia ki ai, ka e manako tote ke he Atua; To ha i ai ia lautolu e gati he mahani Atua, ka kua tiaki e lautolu e malolo ne toka ai.”