Ko e Aho ne Aoga Lahi he Fakamauaga Tuai

Ko e aho ne mate a Iesu Keriso. Ko e ha ne aoga lahi e mate ha Iesu? Kua loga e kakano.

Ko e tua fakamooli ha Iesu ke hoko ke he mate kua fakakite e maeke he tagata ke tumau e fakamooli ke he Atua.

Foaki foki he mate he Keriso e magaaho ma e falu mai he tau tagata ke eke mo tau patuiki mo ia he lagi. Lafi ki ai, kua hafagi e puhala ma e tokologa atu foki ke olioli e moui tukulagi he lalolagi parataiso.

He afiafi ato mate a ia, ne fakaaoga e Iesu e areto nakai fakaea mo e uaina kula mo tau fakamailoga he poa fakaalofa he moui haana. Ti tala age a ia ke he tau tutaki haana: “Kia eke e mutolu e mena nai mo fakamanatuaga kia au.” (Luka 22:19) To manatu nakai e koe e magaaho aoga nei?

Kua uiina mafanatia he Tau Fakamoli a Iehova a koe ke fakalataha mo lautolu he fakamanatu e Fakamanatuaga he mate a Iesu. He tau nei ko e aho ma e fakamanatuaga ko e Aho Tuloto, Aperila 9, ka mole e tōaga laā. Maeke ia koe ke fina atu ke he Fale he Kautu ne tata ke he kaina haau. Fakamolemole fakakia ke he Tau Fakamoli a Iehova he matakavi ma e tulā mo e matakavi tonu.