Ko e Tutala mo e Katofia—Ko e Atua Kia a Iesu?

KO E Tau Fakamoli a Iehova kua fiafia he fakatutala e Tohi Tapu mo e tau katofia ha lautolu. Fai matakupu pauaki nakai he Tohi Tapu kua manamanatu a koe ki ai? Kua manamanatu noa kia a koe ke he ha taofiaga po ke tau matagahua fakalotu he Tau Fakamoli a Iehova? Ka pihia, ua fakauaua ke tahake mai e mataulu tala he taha magaaho ka feleveia a koe mo e Fakamoli. To fiafia a ia ke fakatutala e tau matakupu ia mo koe.

Ko e fakatutalaaga fa mahani nā he taha he Tau Fakamoli a Iehova mo e katofia. Kia manamanatu la tautolu ke he Fakamoli ne higoa ko Karen ne hau ke he kaina he fifine ne higoa ko Samantha.

Mooli Kia na Ai Talitonu a Koe ki a Iesu?

Samantha: Pehē e akoako haaku kua nakai talitonu e Tau Fakamoli a Iehova ki a Iesu. Mooli kia e mena ia?

Karen: Fakamafana e au a koe kua talitonu mooli a mautolu ki a Iesu. Na talitonu a mautolu ko e fakagahuahua e tua ki a Iesu kua aoga ma e fakamouiaga.

Samantha: Talitonu foki au.

Karen: Ti ko e taha anei he tau mena kua fetataiaki a taua. Mohā ia, ko e higoa haaku ko Karen. Ko hai e higoa haau?

Samantha: Ko Samantha. Mitaki ke feleveia mo koe.

Karen: Mitaki ke feleveia foki mo koe ma Samantha. Liga manatu a koe, ‘Kaeke ke talitonu mooli e Tau Fakamoli a Iehova ki a Iesu, ko e ha ne kehe e mena ne talahau he tau tagata?’

Samantha: E, fia iloa au ke he mena ia.

Karen: Ko e uho manatu ma Samantha, na malolō lahi e tua ha mautolu ki a Iesu, ka e nakai talitonu a mautolu ke he tau mena oti ne talahau he tau tagata hagaao ki a ia.

Samantha: Talahau mai la e fakataiaga?

Karen: E. Pehē falu tagata ko Iesu ko e tagata mitaki hokoia. Ka e nakai talitonu a mautolu ke he manatu ia.

Samantha: Pihia foki au.

Karen: Ko e taha ia he tau mena kua fetataiaki a taua. Ko e fakataiaga ke uaaki kua nakai talia he Tau Fakamoli a Iehova e tau fakaakoaga ne fekehekeheaki mo e talahauaga ha Iesu hagaao ke he fakafetuiaga haana mo e Matua.

Samantha: Ko e heigoa e kakano?

Karen: Loga e lotu ne fakaako ko Iesu e Atua. Liga ko e mena ia foki ne fakaako e koe.

Samantha: E, pehē e akoako haaku kua tatai e Atua mo Iesu.

Karen: Talia nakai a koe mogoia ko e puhala mitaki lahi ke fakaako e tala mooli hagaao ki a Iesu ko e kumikumi e mena ne talahau e ia hagaao ki a ia ni?

Samantha: E, to talia e au e mena ia.

Ko e Heigoa ne Talahau e Iesu?

Karen: Kia manamanatu la ke he kupu Tohi Tapu ne fakamaama e manatu ia. Fakamolemole mailoga e mena ne totou e taua ia Ioane 6:38. Pehē a Iesu: “Ko e mena nakai hifo mai au he lagi ke eke ni hoku loto [po ke finagalo], ka ko e finagalo hana ne fakafano mai au.” Mogonei, to nakai felauaki e talahauaga ia ka eke a Iesu mo Atua.

Samantha: Ko e heigoa e kakano?

Karen: Mailoga la e mena ne talahau e Iesu kua nakai hau a ia he lagi ke taute haana ni a finagalo.

Samantha: Hako, pehē a ia kua hau a ia ke taute e finagalo Haana ne fakafano mai a ia.

Karen: Kaeke ko Iesu e Atua, ko hai ne fakafano mai a ia he lagi? Ti ko e ha ne taute e Iesu e finagalo Haana?

Samantha: Kitia e au e mena ne lali a koe ke talahau. Ka e nakai iloa mitaki e au ko e taha e kupu tohi nei ne fakakite nakai ko e Atua a Iesu.

Karen: Manamanatu la ke he mena ne talahau e Iesu he taha magaaho foki. Ne taute e ia e talahauaga pihia he veveheaga ka mui mai he Ioane. Fakamolemole totou mai a Ioane 7:16?

Samantha: Mooli. “Kua tala age a Iesu kia lautolu, kua pehe age, Ko e haku a tau kupu, nakai ko e haku, ka ko e hana ne fakafano mai au.”

Karen: Fakaaue ma Samantha. Hagaao ke he kupu tohi nei, fakaako ni kia e Iesu e tau manatu haana?

Samantha: Nakai, ko e tau fakaakoaga haana ko e Haana ne fakafano mai a ia.

Karen: Hako e mena ia. Manamanatu foki a taua: ‘Ko hai ne fakafano mai a Iesu? Ti ko hai ne age e tau kupu mooli ne fakaako e ia?’ Nakai kia ko e Haana ne mua ia Iesu? Na kua mahomo atu a ia ne fakafano ki a ia ne fano.

Samantha: Fuluola ha ia. Nakaila totou e au e kupu ia fakamua.

Karen: Manamanatu foki ke he tau kupu ha Iesu ia Ioane 14:28: “Kua fanogonogo mai a mutolu, kua tala atu au kia mutolu, To fano au, mo e liu mai au kia mutolu. Kane mai ke fakaalofa a mutolu kia au, po kua kolikoli a mutolu he haku ne tala atu, To fano au ke he Matua; ha ko e mena mua haku a Matua ia au.” Fakavē ke he kupu ia, talahau fēfē e koe e onoonoaga ha Iesu ke he haana fakafetuiaga mo e Matua?

Samantha: Ne pehē a ia kua mua atu e Matua ki a ia. Ti manatu au kua onoono a ia ko e Atua kua mua atu ia ia.

Karen: Tonu. Ma e taha fakatai foki, mailoga e mena ne tala age e Iesu ke he tau tutaki haana ne fakamau ia Mataio 28:18. Pehē e kupu ia: “Kua tuku mai kia au e pule oti kana ke he lagi mo e lalolagi.” Ti talahau pihia kia e Iesu na haia tumau e pule oti kana ia ia?

Samantha: Nakai, pehē a ia kua tuku age ai ki a ia.

Karen: Kaeke ko Iesu e Atua, maeke fēfē a ia ke tuku age foki e pule? Ti ko hai ne age ai ki a ia?

Samantha: To manamanatu au ke he mena ia.

Ko Hai Haana ne Tutala ki Ai?

Karen: Fai mena foki kua halahū kaeke ko Iesu mooli e Atua.

Samantha: Ko e heigoa a ia?

Karen: Ko e mena ne totou e tautolu ke he papatisoaga ha Iesu. Mailoga e tala ne fakamau ia Luka 3:21, 22. Fakamolemole totou mai e koe e tau kupu ia?

Samantha: “Kua papatiso foki e motu oti, ti papatiso mo Iesu, kua liogi a ia, ati maihiua ai e lagi, Kua haele hifo e Agaga Tapu ki luga hana, kua tino mai, tuga ne lupe; kua hoko mai foki e leo mai he lagi, kua pehe mai, Ko e haku a Tama fakahele a koe, kua fiafia ni au kia koe.”

Karen: Mailoga nakai e koe e mena ne taute e Iesu he papatiso a ia?

Samantha: Ne liogi a ia.

Karen: E. Mooli, kua liga manamanatu a tautolu, ‘Kaeke ko Iesu e Atua, ko hai kua liogi a ia ki ai?’

Samantha: Ko e hūhū mitaki a ia. Lata au ke hūhū ke he akoako haaku.

Karen: He manatu taha ia, mailoga he mogo ne hake mai a Iesu he vai, fai tagata ne tutala mai he lagi. Mailoga nakai e koe e mena ne talahau e Ia?

Samantha: Pehē a ia ko Iesu ko e Haana a Tama, ti ofania e Ia a ia, ti talia e Ia a ia.

Karen: Hako e mena ia. Kaeke ko Iesu e Atua, ko hai ne talahau e tau mena ia mai he lagi?

Samantha: Nakai manatu pihia au ke he mena ia fakamua.

Ko e Ha ko e “Matua” mo e “Tama”?

Karen: Hanei foki taha mena ke manamanatu: Kua totou a taua ke he mena ne talahau e Iesu hagaao ke he Atua ko e haana Matua he lagi. He mogo ne papatiso a Iesu, ko e leo mai he lagi ne hagaao ki a Iesu ko e Tama Haana. Ati fakahigoa fakatonu e Iesu a ia ko e Tama he Atua. Mogonei, kaeke ke manako a koe ke fakaako au ko e tokoua e tagata ne tatai, ko e heigoa e fakafetuiaga he magafaoa ka fakaaoga e koe ke fakatai e manatu ia?

Samantha: Liga fakaaoga e au tokoua e lafu taane.

Karen: Tonu—liga ko e tau mahaga tatai foki. Ka e hagaao a Iesu ke he Atua ko e Matua mo e ki a ia ko e Tama. Ti ko e heigoa e tala he manatu haau ne talahau e Iesu?

Samantha: Kitia e au e manatu haau. Kua fakamaama e Iesu ko ia ne fakamua kua lahi hake e pule ke he taha.

Karen: Tonu. Manamanatu ke he mena nei: Ha ha ia koe e fakataiaga kua latatonu he tataiaga he lafu taane po ke tau mahaga. Kaeke ko Iesu mooli e Atua, nakai kia manatu a koe ko Iesu ko e Faiaoga ne Mua, ka manatu ke he fakatataiaga pihia foki—po ke fakataiaga maaliali lahi he tataiaga?

Samantha: Mooli.

Karen: Nakai pihia, ne fakaaoga e ia e tau kupu “Matua” mo e “Tama” ke fakamaama aki e fakafetuiaga haana mo e Atua.

Samantha: Talahau e koe e manatu fuluola.

Ko e Heigoa he Tau Tutaki Fakamua ha Iesu ne Talahau?

Karen: Ato fano au, manako au ke talahau taha he tau vala he matakupu nei ki a koe, ka fai magaaho a koe.

Samantha: E, fai magaaho au.

Karen: Kaeke ko Iesu mooli e Atua, nakai kia amanaki a koe ke he tau tutaki ha Iesu ke talahau fakatonu pihia?

Samantha: Liga tonu e mena ia.

Karen: Ka e nakai fai mena he tau Tohiaga Tapu kua totou e taua e fakaakoaga ia. Nakai pihia, mailoga e mena ne tohi he taha he tau tutaki fakamua atu ha Iesu ko e aposetolo ko Paulo. Ia Filipi 2:9, ne fakamaama e ia e mena ne taute he Atua he mole e mate mo e liu tu mai ha Iesu: “Ko e mena foki ia kua fakamatalahi ai he Atua a ia, mo e foaki atu ai kia ia e higoa kua mua ke he tau higoa oti kana.” Hagaao ke he kupu nei, ko e heigoa ne taute he Atua ma Iesu?

Samantha: Kua pehē kua fakamatalahi he Atua a ia ke he tuaga tokoluga.

Karen: E. Kaeke ko Iesu kua tatai mo e Atua ato mate a ia ti fakamatalahi he Atua a ia he mogo fakamui ke he tuaga tokoluga, nakai kia tuku a Iesu ki luga he Atua? Maeke fēfē ha tagata ke mua hake ke he Atua?

Samantha: Nakai maeke a ia. Nakai fakaai.

Karen: Talia e au. Fakavē mogoia ke he tau fakamooliaga oti nei, to pehē nakai a koe kua fakaako he Tohi Tapu ko Iesu ko e Atua?

Samantha: Nakai, ai liga pihia. Pehē e Tohi Tapu ko ia ko e Tama he Atua.

Karen: Hako e mena ia. Fakamooli atu au ki a koe ma Samantha, ko e Tau Fakamoli a Iehova kua fakalilifu lahi ki a Iesu. Kua talitonu a mautolu ko e mate haana ko e Mesia ne mavehe kua hafagi e puhala ke he fakamouiaga ma e tau tagata tua fakamooli oti.

Samantha: Talitonu foki au ke he mena ia.

Karen: Liga manatu a koe mogoia, ‘Maeke fēfē a tautolu ke fakakite e loto fakaaue ke he foaki e moui haana ke lata mo tautolu?’a

Samantha: Na manamanatu au ke he mena ia.

Karen: Maeke au ke liu mai mo e tala atu e tali he Tohi Tapu ki a koe. Ko koe nakai i kaina he magaaho pehē he tapu ka hau?

Samantha: E, ko au he na ē.

Karen: Homo, to feleveia.

[Matahui Tala]