Liu Fakamanatu he Aoga Fekafekau Fakateokarasi

Ko e tau hūhū i lalo ka fakatutala he Aoga Fekafekau Fakateokarasi he faahi tapu ka kamata ia Fepuari 25, 2013. Ko e aho kua fakamau e tau manatu takitaha ke fakatutala ki ai, kua putoia ai ke maeke ke tauteute e tau kumikumiaga ke lata mo e aoga he tau faahi tapu takitaha.

1. Ko e ha ne pehē a Iesu ko “lautolu ne fakatutuku” to fiafia? (Mata. 5:4) [Ianu. 7, w09 2/15 lau 6 para. 6]

2. He liogi fakatai ne fakaako e Iesu ke he tau tutaki haana, ko e heigoa e kakano he talahauaga haana he mogo ne pehē a ia: “Aua neke uta e koe a mautolu ke he kamatamata”? (Mata. 6:13) [Ianu. 7, w04 2/1 lau 22 para. 13]

3. Ko e ha ne pehē a Iesu ko e tau tutaki haana to nakai kati e tau maaga he fakamatala a lautolu ki ai “ato hau e Tama he tagata”? (Mata. 10:23) [Ianu. 14, w10 9/15 lau 10 para. 12; gt ve. 50 para. 6]

4. Ko e heigoa e ua e mena ne fakamaama mai he fakataiaga ha Iesu ke he fua sinapi? (Mata. 13:31, 32) [Ianu. 21, w08 7/15 lau 17-18 para. 3-8]

5. Ko e heigoa e fakaakoaga ne fakaako e Iesu he fakaaoga e tama tote? (Mata. 18:3) [Ianu. 28, w05 11/1 lau 15 para. 9]

6. Ko e heigoa ne fakamomoko lahi aki a Iuta? (Mata. 27:3-5) [Fepu. 11, w08 1/15 lau 31 para. 3]

7. Ko e ha a Iesu ne fakahigoa ai “ko e Iki a ia he sapati”? (Mare. 2:28) [Fepu. 18, w08 2/15 lau 28 para. 7]

8. Ko e ha ne tali atu pihia a Iesu hagaao ke he matua fifine mo e tau lafu haana, ti ko e heigoa kua fakaako a tautolu mai he mena nei? (Mare. 3:31-35) [Fepu. 18, w08 2/15 lau 29 para. 5]

9. Tuga ne fakamau he Mareko 8:22-25, ko e ha ne liga taute e Iesu ua e lakaaga ke fakamaulu e tau mata he tagata matapouli, ti ko e heigoa ha tautolu ka fakaako mai he mena nei? [Fepu. 25, w00 3/1 lau 13 para. 7]

10. Ko e heigoa kua fakaako mai e tautolu he puhala ne tali atu a Iesu ke he hataki ha Peteru he Mareko 8:32-34? [Fepu. 25, w08 2/15 lau 29 para. 6]