Esyonyimbo
2 Busanaki ebihanda bikabya omw’ibulungana
Kandi busanaki abandu bakabugha-bugha omo bihwehwe* emyatsi eyitawite mughaso?
2 Abami b’ekihugho bakayisamambula
N’abatabali bakahindana haghuma* mo mundu mughuma
Erilwa na Yehova n’oyuhirirweko amaghuta wiwe.*
3 Bakabugha bati: “Tutsutsange eminyororo* yabo
N’erighusa esyokamba syabo!”
4 Oyo wikere omo kitumbi ky’obwami omo lubula akendisyaseka;
Yehova akendisyasekereryabo.
5 Oko mughulu oyo akendisyabugha nabo inianahitene
N’eryubahisyabo omw’ihitana liwe erikaghulumira,
6 Inianemubugha ati: “Ingyuwene-wene nabirisingya omwami waghe
E Sioni, ekitwa kyaghe ekibuyirire.”
7 Ngenditula erihamula lya Yehova;
Mwanibwira ati: “Uli mughala waghe;
Munabwire namabya tata waghu.
8 Unisabe, naghe ngendikuha ebihanda mo mwandu
N’esyonduli sy’ekihugho isyabya syaghu.
9 Ukendisyabunangabo omo mutso w’ekyuma,
Kandi ukendisyatundulabo ng’ekindu ky’eribumba.”
10 Neryo lino inywe bami mubye n’amenge,
Inywe batsweri b’ekihugho mulighe erihabulwa.*
11 Mukolere Yehova imunamubahire,
N’eritsema imunemutitimana.