Esyonyimbo

Embere sy’eyindi miungu,

Ngendiimba esyonyimbo sy’eripipa.*

 2 Ngendyunama erilolera oko hekalu yaghu eyibuyirire,*

Ngendipipa erina lyaghu

Busana n’olwanzo oluteleghula n’obutaleghula bwaghu.

Kusangwa wabiriha ekinywa kyaghu ky’olukengerwa

N’erina lyaghu liri endata oko buli kindu kyosi.*

 3 Ekiro nakulakira, muwanisubirya;

Mowaleka inasika n’eribya mutubaha.*

 4 Yehova, abami bosi b’ekihugho bakendisyakupipa,

Kusangwa bakendisyabya ibabiryowa esyondaghane esyo walagha.

 5 Bakendisyimba busana n’esyonzira sya Yehova,

Kusangwa olukengerwa lwa Yehova ni lunene.

 6 Yehova nomo ane endata, akayiteghereraya abakayikehaya,

Aliwe abakayiheka, syalyanza nibya bakaseghera hakuhi naye.*

Ukakakaya ebyala byaghu erikakirya erihitana ly’esyonzighu syaghe;

Ebyala byaghu by’amali bikendinilamya.

 8 Yehova akendisyaberererya obuli mwatsi ogho anyisunzira

Yehova, olwanzo lwaghu oluteleghula ni lwa kera na kera;

Isiwasighanaya emibiiri y’ebyala byaghu.