Esyonyimbo

115 Butsira itwe Yehova, butsira itwe,*

Aliwe erina lyaghu lyo uhe olukengerwa

Busana n’olwanzo lwaghu oluteleghula n’obutaleghula bwaghu.

 3 OMungu wetu ali omo lubula;

Akakola ekyosi-kyosi ekyo anzire.

 4 Esyosanamu syabo ni sy’efeza* n’esy’ehoro

Omubiiri w’ebyala by’omundu.

 5 Siwite amuno, aliwe sisyangabugha;

Siwite ameso, aliwe sisyangalangira;

 6 Siwite amatwi, aliwe sisyangowa;

Siwite enindo, aliwe sisyangowa ekikumbo;

 7 Siwite ebyala, aliwe sisyangatula oko kindu;

Siwite ebisando, aliwe sisyangatoka erighenda;

Sisirilusaya omulenge omo mimero yasyo.

 8 Abandu abakakokotayasyo bakendisyabya ngasyo,

Kutya n’abosi abakayiketerasyo.

 9 Iwe Israeli, uyiketere Yehova

—Ni muwatikya wabo n’engabo yabo.

10 Iwe nyumba ya Haruni, uyiketere Yehova

—Ni muwatikya wabo n’engabo yabo.

11 Inywe mukubaha Yehova, muyiketere Yehova

—Ni muwatikya wabo n’engabo yabo.

12 Yehova akatwibuka kandi akenditsumula;

Akenditsumula enyumba ya Israeli;

Akenditsumula enyumba ya Haruni.

13 Akenditsumula abakubaha Yehova,

Abake-bake n’abakulu-bakulu.

14 Yehova akendibakanyirirya,

Inywe n’abana benyu.*

15 Yehova abatsumule,

Omuhangyiki w’olubula n’ekihugho.

16 Olubula ni lwa Yehova,

Nikwa abiriha ekihugho ky’abaghala b’abandu.

17 Abaholi sibalipipa Yah;

Kutse owosi-wosi oyukandaghalira omo bukutu bw’oluholo.*

18 Aliwe itwe tukendipipa Yah

Eritsuka lino erihika kera na kera.