Esyonyimbo

12 Yehova unilamaye, kusangwa sihakiri omutaleghula;

Abandu b’eriyiketera babiribulirana erilua omo kati-kati k’abandu.

 2 Bakabwirana amabehi;

Eminywa yabo ikabugha eby’ekisehya* n’eribugha amatebo* omo mitima yabo.

 3 Yehova akendisyatwa eminywa yosi eyikabugha ekisehya

N’olulimi olukayihalamba,

 4 Abakabugha bati: “Tukandisyasingana omo syondimi syetu.

Tukendisyakolesya eminywa yetu ngoko twanzire;

Nindi yukenditutabalako kwehi?”

 5 “Kusangwa abakaghalawa bakanubibawa,

Busana n’erisimba ry’abera,

Ngendihangana n’eribawatikya,” Yehova atya.

 6 Ebinywa bya Yehova by’erire;

Biri ng’efeza* eyabiry’eribwa omo luhitsa, eyabiry’eribwa ngendo 7.

 7 Yehova ukendisyalemberabo,

Ukendisyateya obuli mughuma wa kubo erilua oko kizazi* kino erihika kera na kera.

 8 Ababi bakayighenderaya omo bwiranda

Kusangwa abaghala b’abandu bakatsotsaya obutakenga.