Esyonyimbo

Olwimbo lw’erihetuka. Olwa Solomona.

127 Yehova atitahimba enyumba,

Enduhi y’abahimbi bayo iyikakwira busa.

Yehova atitateya omuyi,

Omuteya iniakakubirato busa.

2 Mukaluhira busa mukabuka luba,

Mukaluhira busa mukatendiyato luba,

Mukanubira busa erirondya akalyo,

Kusangwa akaha abanzwa biwe ebyo balaghireko inianemubaha n’otughotseri.

3 Lebaya! Abana* ni lusunzo* erilua oko Yehova;

Olubuto* ni kihembo.

4 Ng’emisoha* omo byala by’omulume mbangyi,

Abana* abo omundu akabuta omo bulwana ko bali batya.

5 Oyukusulaya omo lubo lwiwe mw’emisoha ng’eyi atsemire.

Sibendisyahemulwa,

Kusangwa bakendisyakania n’esyonzighu omo lukyo lw’omuyi.