Unemubana endundi omo Biblia ey’erihulikirira?

EBiblia ey’erihulikirira niki? EBiblia ey’erihulikirira ni Tafsiri ya Ulimwengu Mupya ey’abirisubwamo buhya eyo babirihamba emilenge y’obusomi bwayo. Yinemughenda yikahulukibwa lyolo-lyolo omo mibughe mingyi. Ekighuma ky’oko ebikaleka eBiblia eyo iyuwana ry’eribya iyikakolesaya emilenge mbiriri-mbiriri oko buli mundu uyukakanaya. Ebinywa bikasomawa omo mulenge owatolere omwatsi w’eBiblia atoke eryowika ndeke.

Abandu banemubana endundi yahi omo Biblia ey’erihulikirira? Abangyi ababeghere erihulikirira ubusomi bw’eBiblia eyi bakatsema ngoko bukabawatikaya erilangira ndeke omo bwenge ebikasomawa omo Kinywa ky’oMungu. Bati erihulikirira emilenge mbiriri-mbiriri ey’abakakanaya kikabawatikaya erilangira ndeke omo bwenge ngoko emyatsi yabya neryo ibowa ndeke ebihandikirwe omo Biblia. (Emi 4:5) Kandi abangyi babirilangira ngoko obusomi bw’eBiblia obw’erihulikirira bukabahumulikanaya bamabya ibali omwihangya-hangya.—Esy 94:19.

Erihulikirira ekinywa ky’oMungu kikasomwa omo mulenge kyanganatuwatikya kutsibu omo ngebe yetu. (2Emy 34:19-21) EBiblia ey’erihulikirira eyi yamabya iyine omo mubughe mulebe ogho wasi, wanganayihiriraho eprograme ey’eribya ukahulikirirayo?

MULEBAYE EKITSWEKA KY’EVIDEO EBIBLIA EY’ERIHULIKIRIRA, NGOKO IKAKOLAWA, NERYO MUSUBIRAYE OKO RIBULYO LINO: