Ekyowangakola ni kihi kwehi?

50 Unanzire erikala evirimo n’evirimo omo paradiso eyuwene kutsivu kwehi?

Vyamavya vitya litolere iwigha emyatsi mingi ey’oMungu akavugha. Wanganahirika erigha erisoma eBiblia.​—Yoane 17:3; Eribisulirwa 1:3

51 Litolere iwigha emyatsi mingi eyilevirye Yesu.​—Eryibuka Ebihano 18:18, 19; Yoane 3:16; Emibiri 3:19-23

52 Uhirike erikola emyatsi mivuya misa n’erikenga Yehova.​—Abanya Roma 6:17, 18, 22

53 Wivuke, ngoko Yehova akavugha ati isiwita avandu.​—Eriluayo 20:13; 1 Yoane 3:11, 12

54 Sitwangatimya evindu vya vandi vandu.​—Eriluayo 20:15; Abanya Efeso 4:28

55 Omulume syangikala kutse erighotsera haghuma n’omukali oyute omukali wiwe w’endwa.​—Eriluayo 20:14, 17; 1 Abanya Tesalonike 4:3

56 Ukinivukire oMungu nga mw’ahamulira omulume mughuma yo vakali vangahi kwehi? N’omulume atolere erikala n’omukali wiwe viro vingahi kwehi?​—Enzuko 2:22, 24; Matayo 19:5, 6; 1 Abanya Korinto 7:2, 10, 11

57 Kandi wivuke kolitolere itwaramya Yehova iyuwene musa.​—Matayo 4:10; 1 Abanya Korinto 8:6

58 Esyosanamu n’evisosekanio sivyangatatuwatikya. Vusanaki kwehi?​—1 Abanya Korinto 8:4

Eriyira esyosanamu linuwene kwehi?​—Eryibuka Ebihano 27:15; 1 Yoane 5:21

59 Vusanaki ni vivi eriyira evisambo n’esyongisa kwehi?​—Eryibuka Ebihano 18:10-13; Eribisulirwa 21:8

60 Avamalaika vavi n’ivugha ambu esyombinga movayisamambula oko Mungu. Vakalavira omo vakumu n’avakalaghula vatoke eriherya avandu.​—Emibiri 16:16

61 Litolere itwasava oMungu. Erisava n’ivugha ambu ly’erikania n’oMungu, erimuvwira tuti tusondire erimukolera n’erimusava tuti atuwatikaye.​—Abanya Filipi 4:6, 7

62 Litolere itwakenga Yesu n’erimwikirirya.​—Abaebrania 5:9; Yoane 3:16

63 Wivuke ngokw’ahola vusana n’eritusavula.​—Abanya Roma 5:8

64 Kandi wivuke ngoko Yesu lino ni Mwami wetu oyutelolawako. Litolere itwamukenga.​—Abanya Filipi 2:9-11; Eribisulirwa 19:16

65 Yesu mw’avugha ati litolere iwe iwavwira avandi vandu v’oko myatsi mivuya eyo ukigha kandi ati avosi avanzire erikolera oMungu litolere ivabatisivwa. —Matayo 28:19, 20; Yoane 4:7-15

66Neryo litolere iwatulira avira vaghu v’oko myatsi mivuya eno.​—Matayo 10:32

67 Wamavigha erisoma lyo ndeke, irikendiwatikya utoke erigha evindi vindu vingi neryo ukandivya n’ovutoki ovw’eriwatikya avandi vo ndeke erirenga.​—2 Timoteo 2:15

68 Yesu mwakangiriria n’avana valere erikenga oMungu. Emiviri mingi moyitamukakiriria erikania n’avana.​—Matayo 19:13-15

69 Litolere avavuti ivakangirirya avana vavo eviro vyosi erikenga oMungu n’ erimwanza.​—Eryibuka Ebihano 6:6, 7; Emisyo 6:20-22; Abanya Efeso 6:4

70 Omo kihugho muli visomo vingi. Erikangiriria lyavyo lingi Sirilwire omo Biblia. Yehova akavugha ati litolere itwalwa Omo visomo evitekangiriraya Ekwenene.​—Eribisulirwa 18:4; Yoane 4:23, 24

71 Yehova anawite avandu viwe v’omo kihugho kyosi avangakukakangirirya eyindi myatsi mingi eyimulevirye. Unaviriminya avandu avo nga ni vahi kwehi?​—Emibiri 15:14; Abanya Roma 10:14, 15

72 V’aVimaniri va Yehova. Omwivo muli ovuholo Omughuma n’oghundi. Wanganaminya nga ni vusanaki kwehi? Kusangwa vali n’olwanzo omughuma n’oghundi.​—Isaya 43:10-12; Yoane 13:34, 35

73 Na kandi vusana vali n’olwanzo oko Yehova, vaviribatisivwa. Kyokikaleka ivakangania embere sy’avandu vosi ko vavirisigha emivere yavo mivi ya kera neryo vasondire vati valavaye omughulu wosi w’ovuyingo vwavo vakakolera oMungu.​—Emibiri 2:41

74 Avimaniri va Yehova vakayiketera engeve eyuwene omo paradiso nyihia-nyihia.​—Esyonyimbo 37:9-11, 29

Ekyowangakola ni kihi utoke erisyavana engeve haghuma navo kwehi?​—Yakobo 1:22, 25; 2:20-26

75 Litolere iwahindana haghuma navo omughulu vakigha erikolera Yehova. Vali n’olwanzo oko Yehova Kandi vamukengire iye Haghuma na Yesu Kristu. Naghu une n’olwanzo okwivo kwehi?​—Yoane 6:45-47

76 Yehova vana Yesu vakwanzire kandi vasondire vati uvane engeve y’erikota omo paradiso.​—Yoane 3:16

Emyatsi eyowamigha ukalevya esyopicha haghuma n’amasako awali omo katabu kake kano, tuhirire h’amaha tuti vyamakuha engumbu y’erivya n’engeve y’erikota oko kitaka. Wamavya ighusondire erigha eyindi myatsi mingi, tukakuhana tuti ukanaye haghuma n’omughuma w’oko vimaniri va Yehova ovowikere hakuhi navo. Kutse wanganahandikira, kutse erirondya oyukakuhandikira, utume ebaruha oko biro eyiri hakuhi oko haghuma hoko myanya eyikanganivwe okokavavi kerimbere (ukurasa 2).