Esomo 16

Eriyisoha lyaghu ukolere oMungu

Wangakolaki uthoke eribya munwani w’oMungu? (1, 2)

Omundu akayiherera ok’oMungu kw’ athi? (1)Ni mughulu wahi owo wangabatisibwamo? (2)

Wangabana ghuthi akaghala ak’eribya mundu oyuthereghula? (3)

1. Wamasonda eribya munwani w’oMungu, litholere iwabya n’eriminya eriwathire ery’eBiblia (1 Timoteo 2:3, 4), iwabya n’erikirirya omo myatsi eyo ukigha (Abaebrania 11:6), iwatsira amalolo waghu (Emibiri 17:30, 31), kandi, iwabinduka omo mighendere yaghu. (Emibiri 3:19) Neryo, litholere olwanzo lwaghu ok’oMungu ilwakukuna eriyiherera iwuwene okw’Iye. N’ibugha ambu, omo nzira y’omusabe waghu iwuwene musa, n’ahathe wundi mundu ukamubwira uthi wamayihererya okw’Iye uthoke erikola erisonda liwe.​—Matayo 16:24; 22:37.

2. Ukandibya wabiyiherera ok’oMungu, litholere iwabatisibwa. (Matayo 28:19, 20) Olubatiso lolukaleka obuli mundu iniaminya ko wabiriyiherera oko Yehova. Olubatiso ni lw’abandu abakulire ndeke okw’ithoka eriyisoha ibibenebene erikolera oMungu. Omughulu omundu akabatisibawa, litholere omubîrî wiwe owosi inialubikwa omo maghetse.a​—Marko 1:9, 10; Emibiri 8:36.

3. Ukabya wabiyiherera, Yehova akakusaba uhambanisaye engebe yaghu n’endaghane yaghu. (Esyonyimbo 50:14; mugambuli 5:4, 5) Yo Diabolo akendihirika erikukakirya uleke erikolera Yehova. (1 Petero 5:8) Naghu ubye ukayithunda hakuhi n’oMungu omo misabe. (Abanya Filipi 4:6, 7) Ubye ukigha eKinywa kiwe obuli kiro. (Esyonyimbo 1:1-3) Uyimakiriraye oko ndeko. (Abaebrania 13:17) Eriyitsinga okw’ikola wutya, ukandisunga akaghala ak’eribya oyuthereghula. Neryo, oko birimo bithabahwa wanganathoka erikola eby’oMungu akakurondako!

[Ebiri ahikwa]