Engebe yabya yithi omo Paradiso?

Yehova mwaha yo Adamu bana Eva ebindu bingi ebyowene. Enzuko 1:28

Yehova mwahangika omukali w’erimbere, yo Eva, neryo mwamulethera Adamu, abye mukali wiwe.​—Enzuko 2:21, 22.

Yehova mwabahangika, neryo mwabaha amalengekania n’emibiri eyihwererere, eyithe n’erilolo na hake.

Mub’ikala omo ririma lye Edeni​—akalima k’uwene kundu akalimo esyonyusi, emithi y’amatunda, n’esyonyama.

Yehova mwakania nabo, n’eribakangirirya. Nga b’owa amakangirirya wiwe, bendisyikala omo Paradiso oko kihugho ebirimo n’ebirimo.

OMungu mwababwira athi isibalya oko matunda w’omuthi mughuma. Enzuko 2:16, 17

Omumalaika mughuma mwayiyiramo nzighu y’oMungu. Omumalaika mubi oyo ni Sitani Diabolo.

Yehova mwakangania yo Adamu bana Eva omuthi mughuma w’amatunda omo ririma, neryo mwababwira athi bamabilya oko matunda w’omuthi oyu ibakendihola.

Sitani syaby’anzire yo Adamu bana Eva bakenge Yehova. Neryo mwalabira omo nzoka athoke eribwira yo Eva ngoko amabilya oko matunda w’omuthi oyo syangahola, aliwe inyakendisosa oMungu. Kwenene, abya mabehi.​—Enzuko 3:1-5.