Embula y’omughulu wa Noa​—abahulikirira oMungu n’abaghana erimuhulikirira

Omughulu wa Noa abandu bangi mubakola ebibi. Enzuko 6:5

Yo Adamu bana Eva mubabutha abana, neryo abandu mubabya bangi oko kihugho. Omughulu mwalaba, abamalaika baghuma mubakwama Sitani.

Mubahika oko kihugho, neryo mubambala emibiri y’abalume bathoke erithahya abakali. Abakali babo mubabuta ebikakambwe by’abana; babya batsibu na kandi ibawithe amaka.

Ekihugho mukyusulamo abakoli b’ebibi. EBiblia ikabugha yithi: ‘Obubi bw’abandu mubwabya bungi omo kihugho, n’akandi obuli bulengekekania bw’erighanirya ly’omutima wabo bwabya bubi busa-busa emighulu yosi.’

Yo Noa mwahulikirira oMungu, neryo mwahimba esafina. Enzuko 6:13, 14, 18, 19, 22

Yo Noa abya mundu oy’uwene. Yehova mwabwira yo Noa ngoko Akenditsandya abandu babi omo mbula y’akatsibu.

Kandi oMungu mwabira yo Noa athi akokothaye obwatho bunene, obukahulawamo safina, neryo ahiremo ekihanda kiwe n’emihanda yosi y’esyonyama.

Yo Noa mwalagha abandu ngoko Embula y’akatsibu ikendithogha; aliwe, mubathamuhulikirirako na hake. Abandu baghuma mubaseka Noa; n’abandi mubamupona.

Esafina yabere yahwa, neryo Noa mw’ingirya esyonyama sy’omo safina.