EKIHANDE 8

Oluholo lwa Yesu luli na mughaso wahi okw’iwe?

Yesu mwahola thuthoke eribana engebe. Yoane 3:16

Abakali banemulebya omo yisinda ya Yesu, isiyikirimo kindu

Habere halaba ebiro bisathu, abakali baghuma mubahika okw’isinda lya Yesu, neryo mubath’eyamo kindu. Yehova abya inyabirilubukya Yesu.

Yesu amabutukira abakwenda biwe nʼenyuma syaho amerukira elubula

Enyuma syaho Yesu mwabuthukira abakwenda biwe.

Inga, Yehova mwalubukya Yesu m’omundu w’obuthoki, ekihangikwa mulimu ekithekyangahola. Abigha ba Yesu mubamulangira akay’elubula.

OMungu mwalubukya Yesu, neryo mwamuyira m’oMwami w’oBwami b’oMungu. Daniele 7:13, 14

Yesu anemutabala abandu abali omo Paradiso oko kihuwo iniane oko kitumbi kiwe kyʼobwami elubula

Yesu mwaherera engebe yiwe athoke eriliha embanulo busana n’abandu bosi. (Matayo 20:28) Omwilabira omo mbanulo eyi, oMungu mwathuha enzira y’eribana engebe y’erikotha.

Yehova mwasingya Yesu m’oMwami athoke erithabala oko kihugho. Akasyathabala n’abandu abathereghula 144 000, abakendisyalubukibwa erilwa oko kihugho bathoke eribana engebe y’elubula. Yesu haghuma n’abandu 144 000 bo bakendisyathabala omo buthabali by’elubula obuthunganene—Obwami b’oMungu—Eribisulirwa 14:1-3.

OBwami b’oMungu bukasyayira ekihugho mo paradiso. Amalwa, obusindwa, obwera, n’enzala bikendisyahwa. Kwenene abandu bakendisyabana obutseme.—Esyonyimbo 145:16.