Abasyakulu bakawatikaya endeko bati?

Omo ndondeko yetu simuli abakulu abakapokera. Aliwe ngoko byanabya endeko y’eKikristo ikatsuka, abalebererya abatolere bakasombolawa ‘erilisya [endeko] y’oMungu.’ (Emibiri 20:28) Abasyakulu aba ni balume abakulire omo kirimu abakimanira emyatsi omo ndeko n’erilisyayo ‘butsir’ikaswa, aliwe omwanza embere sy’oMungu; sibusana n’eryanza endundi eyitatolere, aliwe omo mutima w’obutseme.’ (1 Petero 5:1-3) Ni byahi ebyo bakatukolera?

Bakatuteghaya. Abasyakulu bakasondola endeko n’eriteyayo omo kirimu. Kundi basi ngok’oMungu yubahere omubiri oyu, sibalianza eritabala abandu biwe, aliwe bakabawatikaya babye ndeke n’eritsema. (2 Abanya Korinto 1:24) Abasyakulu bakayikasa eriminya obuli mundu oyuli omo ndeko, ngoko omulisya akaminya obuli mbuli.​—Emisyo 27:23.

Bakatukangiriraya ngoko twangakola erisonda ly’oMungu. Obuli yenga, abasyakulu bakimanira emihindano y’endeko erihimba erikirirya lyetu. (Emibiri 15:32) Kandi abalume ababiriyiha omwimanira omubiri w’erighambula, bakahubiraya haghuma netu, n’eritubegherya esyonzira syosi sy’erihubirya.

Bakahimba obuli mundu. Erikuwatikya ubye n’obunwani obuwene na Yehova, abasyakulu banganahika eka waghu kutse erikania naghu oko Kisenge ky’Obwami emyatsi y’eBiblia eyangakuwatikya n’erikusubya mutima omonda.​—Yakobo 5:14, 15.

Eryongera oko mubiri owo bawite omo ndeko, abasyakulu bangyi bawite emibiri yabo, n’emibiri y’omo manyumba wabo eyikabalira endambi. Litolere itwasikya baghala betu aba abakakola kutsibu.​—1 Abanya Tesalonika 5:12, 13.

• Abasyakulu b’endeko bakakola ki?

• Abasyakulu bakakanganaya bati ngoko batutsomene?