ESOMO 13
Timoteo aby’anzire eriwatikya abandu
Timoteo abya mulwana oyo wanzire eriwatikya abandu. Busana n’eriwatikya abandi mwahika omo bihugho binene. Eki mukyamuletera etseme nene. Unanzire eriminya ng’abanayo ati?—
Mama wa Timoteo na mukaka wiwe mubamukangirirya oko Yehova
Timoteo akulira omo muyi owabya akahulwamo Listra. Omughulu abya mwana, mukaka wiwe Loisi na mama wiwe Euniki mubatsuka erimukangirirya oko Yehova. Timoteo abere anemukula, mwanza eriwatikya abandi erigha oko Yehova.
Timoteo iniakine mulwana mulere, Paulo mwamubulya nga banganaghenda kughuma eriyahubirya omo bindi bihugho. Timoteo mwaligha! Mwabya tayari eriyawatikya abandi.
Timoteo mwaghenda na Paulo omo muyi we Tesalonika owali omo kihugho kye Makedonia. Erihikayo, mubaghenda lughendo luli; enyuma syaho mubaghenda omo bwato. Babere basala bahikayo, mubawatikya abandu banene kutsibu erigha oko Yehova. Aliwe abandi bandu mubahitana kandi mubataka erikolabo nabi. Eki mukyaleka Paulo na Timoteo ibalwayo, neryo mubayahubirya ahandi.
Timoteo abya n’engebe eye tseme nene
Habere hahwa emisi mirebe, Paulo mwabwira Timoteo ati asube e Tesalonika eriyalebya abandi Bakristo nga bane bati. Erisuba omo muyi mubi ng’oyu lyabya litolere eribya n’omuhwa n’eritendiubaha! Aliwe Timoteo mwasubayo kundi abya inianzire eriminya abalikyabo ngo bali bati. Mwasuba eyiri Paulo iniane n’omwatsi mubuya. Abalikyabo abe Tesalonika babya ibanemukola ndeke!
Timoteo mwatumika na Paulo oko miaka minene. Kiro kighuma Paulo mwahandika ati sihali oghundi nga Timoteo oyo angatuma eriyawatikya esyondeko. Timoteo aby’anzire Yehova n’abandu.
Unanzire abandu n’erianza eriwatikyabo erigha oko Yehova?— Wamabikola utya, iwanganabana etseme nene nga Timoteo!