ENDOMEKO C
Ngoko wangi’gha n’omundu ekitabu Tsemera engebe kera na kera!
Baghala betu mubasaba kutsibu n’erilengekania oko myatsi y’erihira omo kitabu Tsemera engebe kera na kera! Amenge awali ahikwa hano akendikuwatikya erikolesya ndeke ekitabu eki.
Embere sy’erigha eBiblia
1. Uyiteghekanaye ndeke. Ukayiteghekania ulengekanaye oko ebyo omwigha waghu alaghireko, emibere yiwe, n’amalengekania wiwe. Omo myatsi eyo mukandigha, ulengekanaye nga ni yahi eyangakala okw’iye eryowa. Ulebaye emyatsi eyiri omo katswe “Ebindi by’eriminya” nga yangawatikya yiti omwigha waghu. Kandi mukigha ubye ighunayiteghekire erikolesyayo.
Mukigha
2. Omwigha amaligha, mubye mukatsuka n’omusabe n’eribugha n’omusabe.
3. Isiwabugha bingyi. Usighale oko mwatsi ogho mukigha. Kandi uhe omwigha waghu y’obwiranda bw’eribugha.
4. Mukatsuka ekihande kihya, usome enzumwa ngulu y’ekihande ekyo n’erikania oko syosomo nyilebe esiri omo kihande ekyo.
5. Mwabibugha ekihande kilebe ky’ekitabu, ukolesaye akatsweka k’eriyibukya eriwatikya omwigha waghu eryibuka emyatsi eyo abirigha omo kihande ekyo.
6. Mukigha obuli somo n’omwigha waghu:
Musome esyonungu sy’ekitsweka ky’erimbere.
Musome amasako wosi awahandikireko ati “Soma.”
Kyamatolera musome n’awandi masako awakanganibwe.
Ukanganaye amavideo wosi awahandikireko ati “Mulebaye evideo” (kyamatokekana).
Ubulaye omwigha obuli ribulyo.
Ubwire omwigha waghu alebaye esyopitsa esiri omo katsweka “Wighe ebingyi” neryo umubwire uti akanaye kusyo.
Ukolesaye akatsweka “Ekyo wangakola” eriwatikya omwigha waghu eriminya aho amatahika. Wanganamuwatikya erikolesya ebikanganibwe omo katsweka ako, kutse erihiraho ekindi, kutse ebyosi bibiri.
Ubulaye omwigha waghu nga hane esyo video kutse ebyo alyatsemera omo katsweka “Ebindi by’eriminya” akateghekania esomo.
Ekiro muligha, muyikase eribugha esomo.
Mwabigha
7. Ubye ukalengekania oko mwigha waghu. Usabe Yehova awatikaye omwigha waghu erilola embere n’erimusaba akuhe amenge uminye ngoko wangamuwatikya.